ଜୁନାଗଡ଼,୨୮।୫(ଡି.ଏନ୍.ଏ.)-କୋଭିଡ-୧୯କୁ ମୁକାବିଲା କରିବା ପାଇଁ ଜୁନାଗଡ ବ୍ଲକ ପ୍ରଶାସନ ପକ୍ଷରୁ ବ୍ୟାପକ ବ୍ୟବସ୍ଥା କରାଯାଇଛି। ବିଡିଓଙ୍କ ସମେତ ବ୍ଲକର ସମସ୍ତ କର୍ମଚାରୀ ଏହି କାମରେ ନିୟୋଜିତ ରହିଛନ୍ତି। ଅସ୍ଥାୟୀ ସ୍ବାସ୍ଥ୍ୟକେନ୍ଦ୍ର (ଟିଏମସି)ରେ ରହିଥିବା ପ୍ରବାସୀମାନଙ୍କୁ ବ୍ଲକ ପ୍ରଶାସନ ପକ୍ଷରୁ ବିଭିନ୍ନ ପ୍ରକାର ନିତ୍ୟବ୍ୟବହାର୍ଯ୍ୟ ସାମଗ୍ରୀ ସହ ଖାଦ୍ୟ ଯୋଗାଣର ବ୍ୟବସ୍ଥା କରାଯାଇଛି। ଏହି ପରିପ୍ରେକ୍ଷୀରେ ଜୁନାଗଡ କନ୍ୟାଶ୍ରମ ପ୍ରବାସୀମାନଙ୍କ ପାଇଁ ଗୁରୁବାର ବିଭିନ୍ନ ନିତ୍ୟବ୍ୟବହାର୍ଯ୍ୟ ସାମଗ୍ରୀ ଅଣାଯାଇଥିଲା ା ଗାଡ଼ିରୁ ସେହି ସାମଗ୍ରୀଗୁଡିକ ଓହ୍ଲାଇବା ପାଇଁ କୌଣସି ଶ୍ରମିକ ମିଳି ନ ଥିଲେ ା ଶେଷରେ ସେଠାରେ ଉପସ୍ଥିତ ଥିବା ବିଡିଓ ଦୁଲାରାମ ମାରାଣ୍ଡି, ବିଏସ୍ଏସ୍ଓ ତୁଷାର ରଞ୍ଜନ ସାହୁ,ଏପିଓ ମାନସ ରଞ୍ଜନ ଭୋଇ ପ୍ରମୁଖ ଉକ୍ତ ସାମଗ୍ରୀ ଗାଡ଼ିରୁ ଓହ୍ଲାଇ ନିଜ କାନ୍ଧରେ ବୋହି କେନ୍ଦ୍ରକୁ ନେଉଥିବା ଦେଖିବାକୁ ମିଳିଥିଲା।