କେନ୍ଦୁଝର,୨୨ା୫ (ସ୍ବ.ପ୍ର.)-କରୋନା ମହାମାରୀ ନିରାକରଣ ପାଇଁ ଜିଲାପାଳ କ୍ଷମତା ପାଇ କାମ କରୁଥିବା ବାଂଶପାଳ ବ୍ଲକର ଜଣେ ସରପଞ୍ଚ କେତେକ ପ୍ରବାସୀ ଓଡିଆ ସାଙ୍ଗଙ୍କ ସହ ଭୋଜି ଖାଇ କ୍ୱରାଣ୍ଟାଇନରେ ରହିଛନ୍ତି। ମଙ୍ଗଳବାର ଚେନ୍ନାଇରୁ ବିନା ପଞ୍ଜୀକରଣରେ ଫେରଥିବା ୩ ସାଙ୍ଗଙ୍କ ସହିତ ସରପଞ୍ଚ ଭୋଜି କରିଥିଲେ। ଏହି ଘଟଣା ଜଣା ପଡିବା ପରେ ସରପଞ୍ଚଙ୍କୁ କ୍ୱାରାଣ୍ଟାଇନ୍ କେନ୍ଦ୍ରକୁ ପଠାଯାଇଛି। ଖବର ପାଇ ବାଂଶପାଳ ତହସିଲଦାର ଓ ବିଡିଓ ବୁଧବାର ଉକ୍ତ ଗ୍ରାମକୁ ଯାଇ ସରପଞ୍ଚଙ୍କ ସହିତ ଆଲୋଚନା କରିଥିଲେ। ଶୁକ୍ରବାର ଉକ୍ତ ସରପଞ୍ଚଙ୍କ ସ୍ବାବ ପରୀକ୍ଷା ପାଇଁ ପଠାଯାଇଥିବା ବେଳେ ୨୧ ଦିନ ସେ କ୍ୱାରାଣ୍ଟାଇନ ସେଣ୍ଟରରେ ଓ ୭ ଦିନ ଘରେ ଏକାନ୍ତବାସରେ ରହିବେ ବୋଲି ଜଣାପଡିଛି।