କରୋନା ଯୋଗୁ ଏବେ କ୍ରିକେଟ ସିରିଜ୍ ଆୟୋଜନ କରାଯାଉନାହିଁ। ଏହି ସମୟରେ କିଛି ଭାରତୀୟ କ୍ରିକେଟରମାନେ ସୋସିଆଲ ମିଡିଆରେ ଆକ୍ଟିଭ ରହୁଥିବାବେଳେ ଆଉ କିଛି କ୍ରିକେଟର ସାମାଜିକ କାର୍ଯ୍ୟରେ ନିଜକୁ ନିୟୋଜିତ କରିଛନ୍ତି। ପେସ୍ ବୋଲର ମହମ୍ମଦ ଶାମି ରାଜପଥରେ ପ୍ରବାସୀ ଶ୍ରମିକଙ୍କ ପାଇଁ ଖାଦ୍ୟ ଏବଂ ଜଳର ବ୍ୟବସ୍ଥା କରୁଛନ୍ତି। ଶାମିଙ୍କ ଏହି କାର୍ଯ୍ୟକୁ ବିସିସିଆଇ ପ୍ରଶଂସା କରିଛି। ଶାମି ପ୍ରବାସୀ ଶ୍ରମିକଙ୍କୁ ନେଇ ଯାଉଥିବା ବସ୍ରେ ଥିବା ଲୋକଙ୍କୁ ଖାଦ୍ୟ, ପାଣି ଏବଂ ମାସ୍କ ବଣ୍ଟନ କରୁଥିବା ଦେଖିବାକୁ ମିଳିଛି। ପୂର୍ବରୁ କ୍ରିକେଟର ବିରେନ୍ଦ୍ର ସେହ୍ବାଗ, କେଏଲ ରାହୁଲ ପ୍ରବାସୀ ଶ୍ରମିକଙ୍କୁ ସହାୟତା ଦେବା ପାଇଁ ଆଗେଇ ଆସିଥିଲେ।
