ଖଇରା, ୩।୬(ଡି.ଏନ.ଏ.)-ବାଲେଶ୍ୱର ଜିଲା ଖଇରା ବ୍ଲକ ଅଧୀନ ନୟାଖଣ୍ଡି ଗ୍ରାମରେ ଜଣେ ଭଡାଟିଆ କମଳାକାନ୍ତ ଦାସଙ୍କ ଘରୁ ଚୋରି ହେବା ଏବଂ ଚୋରି ଘଟଣାରେ ସମ୍ପୃକ୍ତ ଥିବା ବ୍ୟକ୍ତିମାନଙ୍କ ବିରୋଧରେ ସମସ୍ତ ପ୍ରମାଣ ପ୍ରଦାନ ପରେ ମଧ୍ୟ ଖଇରା ପୋଲିସ ଏ ପର୍ଯ୍ୟନ୍ତ ଅଭିଯୁକ୍ତଙ୍କୁ ଗିରଫ କରିବାକୁ ସକ୍ଷମ ହୋଇପାରୁନି। ଅଭିଯୁକ୍ତଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ ନ କଲେ ଅଭିଯୋଗକାରୀ କମଳାକାନ୍ତ ବାଧ୍ୟ ହୋଇ ଧାରଣାରେ ବସିବେ ବୋଲି ଚେତାବନୀ ଦେଇଛନ୍ତି ା
ଅଭିଯୋଗ ଅନୁଯାୟୀ ତାଳମହୁରୀ ଗ୍ରାମର କମଳାକାନ୍ତ ଟେଣ୍ଟ ଓ ମାଇକ ଭଡାରେ ଦେଇ ପରିବାର ଭରଣପୋଷଣ କରନ୍ତି ା ଖଇରା ବଜାରଠାରୁ ଅନତିଦୂର ନୟାଖଣ୍ଡି ଗ୍ରାମର ଜଣେ ବ୍ୟକ୍ତିଙ୍କ ଘର ଭଡା ନେଇ ତାଙ୍କର ଜିନିଷ ପତ୍ର ରଖୁଥିଲେ ା ୨୩ତାରିଖ ରାତିରେ କୌଣସି ଦୁର୍ବୃତ୍ତ ଘର ତାଲା ଭାଙ୍ଗି ଦେଢ ଲକ୍ଷ ଟଙ୍କାର ମାଇକ ସେଟ ଚୋରାଇ ନେଇଥିଲେ ା ୨୪ତାରିଖରେ କମଳାକାନ୍ତ ତାଲା ଖୋଲିବାକୁ ଆସି ଦେଖିବାରୁ ତାଙ୍କର ମାଇକ ସେଟ୍ଗୁଡିକ ଚୋରି ହୋଇଯାଇଛି। ଚୋରି ସିସିଟିଭି ଫୁଟେଜରେ ୨ଜଣ ଯୁବକ ଏକ ବାଇକରେ ଜିନିଷ ଚୋରାଇ ନେଉଥିବାର ଜଣାପଡିବା ପରେ ତାହା ସେ ପୋଲିସକୁ ଜଣାଇଥିଲେ ା ହେଲେ ଏ ପର୍ଯ୍ୟନ୍ତ ଅଭିଯୁକ୍ତମାନଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରୁ ନ ଥିବା ସେ କହିଛନ୍ତି ା ଏ ସମ୍ପର୍କରେ ତଦନ୍ତକାରୀ ଅଧିକାରୀ ପଚାରିବାରେ ସିସି ଫୁଟେଜରୁ ଅଭିଯୁକ୍ତଙ୍କ ଠିକ୍ ଭାବେ ଠାବ କରାଯାଇପାରୁନାହିଁ ବୋଲି କହିଛନ୍ତି ା