ବମ୍ବେ: ଅଭିନୟରେ ନିଜର ବଳିଷ୍ଠ ପ୍ରଦର୍ଶନ କରି ଆସିଛନ୍ତି ନାୟିକା ବିଦ୍ୟା ବାଲାନ୍। ଏବେ ସେ ପ୍ରଯୋଜିକା ମଧ୍ୟ ହୋଇଛନ୍ତି। ଏକ ଛୋଟ ଫିଲ୍ମ ଜରିଆରେ ସେ ପ୍ରଯୋଜନା କ୍ଷେତ୍ରକୁ ଓହ୍ଲାଇଛନ୍ତି। ନିଜର ଟୁଇଟର ପୃଷ୍ଠାରେ ସେ ଏ ନେଇ ସୂଚନା ଦେଇଛନ୍ତି।
ତେବେ ବିଦ୍ୟାଙ୍କ ପ୍ରଯୋଜନାରେ ନିର୍ମିତ ଶର୍ଟ ଫିଲ୍ମ ନା ରହିଛି ‘ନଟଖଟ୍’। ଏଥିରେ ସେ ଅଭିନୟ ମଧ୍ୟ କରିଛନ୍ତି। ଫିଲ୍ମର ପ୍ରଥମ ପୋଷ୍ଟର ରିଲିଜ ହୋଇଛି। ପୋଷ୍ଟରରେ ବିଦ୍ୟା ଦେଶୀ ଲୁକ୍ରେ ନଜର ଆସୁଛନ୍ତି। ସେ ଏକ ଶିଶୁର ମୁଣ୍ଡରେ ତେଲ ଲଗାଉଥିବା ବେଳେ ଅନ୍ୟମନସ୍କ ଅଛନ୍ତି। ‘ଏକ୍ କାହାନୀ ଶୁନୋଗେ’ ଫିଲ୍ମର ଟ୍ୟାଗ୍ ଲାଇନ୍ ରହିଛି। ଚଳଚ୍ଚିତ୍ରଟିକୁ ନିର୍ଦ୍ଦେଶନା ଦେଇଛନ୍ତି ଶାନ୍ ବ୍ୟାସ। ବିଦ୍ୟାଙ୍କ ପ୍ରଶଂସକ ଏହାକୁ ପସନ୍ଦ କରୁଥିବା ଦେଖାଯାଇଛି।
ତେବେ ବିଦ୍ୟାଙ୍କ ଫିଲ୍ମ ‘ଶକୁନ୍ତଳା ଦେବୀ’ ରିଲିଜ ଅପେକ୍ଷାରେ ରହିଛି। ଲକ୍ଡାଉନ୍ ଯୋଗୁ ଏହା ହୋଇ ପାରୁ ନ ଥିବାରୁ ଏହା ଆମାଜନ୍ ପ୍ରାଇମ୍ରେ ରିଲିଜ୍ ହେବ ବୋଲି କୁହାଯାଉଛି। ହେଲେ ଏହାର ରିଲିଜ୍ ଡେଟ୍ ଜଣାପଡ଼ି ନାହିଁ। ଫିଲ୍ମରେ ବିଦ୍ୟା ଗଣିତଜ୍ଞ ଭୂମିକାରେ ନଜର ଆସିବେ। ଏହାର ନିର୍ଦ୍ଦେଶନା ଦେଇଛନ୍ତି ଅନୁ ମେନନ୍। ଅନ୍ୟ ଭୂମିକାରେ ସାନ୍ୟା ମଲ୍ହୋତ୍ରା, ଅମିତ ସାଧ୍, ଜିସ୍ସୁ ସେନ୍ଗୁପ୍ତା ମଧ୍ୟ ଅଛନ୍ତି।