ମୁମ୍ବାଇ: ବଲିଉଡ୍ ଷ୍ଟାର ରଣବୀର ସିଂ ଏବେ ଲଣ୍ଡନରେ ତାଙ୍କ ଅପ୍ କମିଂ ଫିଲ୍ମ ‘୮୩’ ପାଇଁ ବ୍ୟସ୍ତ ଅଛନ୍ତି। ହେଲେ ସେଠାରେ ସେ ତାଙ୍କ ପ୍ରଶଂସକଙ୍କ ସହ ନେଇଥିବା ଏକ ସେଲ୍ଫି ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି। ରଣବୀର ଯେ ତାଙ୍କ ପ୍ରଶଂସକଙ୍କୁ ଗୁରୁତ୍ୱ ଦିଅନ୍ତି ତାହା ଏଥିରୁ ଅନୁମାନ କରାଯାଉଛି। ନିକଟରେ ଭାରତ ପାକିସ୍ତାନ ବିଶ୍ୱକପ୍ ବେଳେ ମଧ୍ୟ ରଣବୀରଙ୍କୁ ଷ୍ଟାଡିୟମରେ ଦେଖିବାକୁ ମିଳିଥିଲା। ସୂଚନା ଥାଉକି ଫିଲ୍ମ ‘୮୩’ ଭାରତ ପ୍ରଥମେ ବିଶ୍ୱକପ୍ ଜିତିବାର କାହାଣୀକୁ ନେଇ ଗତିଶୀଳ। ଏଥିରେ ରଣବୀର ମୁଖ୍ୟ ଭୂମିକାରେ ଅଭିନୟ କରିଛନ୍ତି।