ଭୋପାଳ,୯।୬: ଗତ ଲୋକ ସଭା ନିର୍ବାଚନରେ ଭାଜପାର ବିଜୟ ଓ ପଶ୍ଚିମବଙ୍ଗରେ ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କ ତ୍ରୁଣମୂଳ କଂଗ୍ରେସର ପରାଜୟ ଏବେ ସବୁଠାରୁ ବଡ ଆଲୋଚନାର ବିଷୟ ପାଲଟିଛି। କାରଣ ବିଜୟ ପରେ ଏବେ ମମତା ଏବେ ନିର୍ବାଚନ ରଣନୀତି ପ୍ରସ୍ତୁତ କରିବାକୁ ପ୍ରଶାନ୍ତ କିଶୋରଙ୍କ ସହାୟତା ଲୋଡିଛନ୍ତି। ପ୍ରଶାନ୍ତ ମଧ୍ୟ ମମତାଙ୍କୁ ସମର୍ଥନ ଜଣାଇଛନ୍ତି। ଇତି ମଧ୍ୟରେ ଭାଜପାର ମହାସଚିବ ତଥା ପଶ୍ଚିମବଙ୍ଗର ପାର୍ଟି ପ୍ରଭାରୀ କୈଳାଶ ବିଜୟଭର୍ଗିୟା ଏକ ଟିପ୍ପଣୀ ଦେଇଛନ୍ତି। କୈଳାଶ କହିଛନ୍ତି, ଏବେ ମମତାଙ୍କ ଜାହଜ ବୁଡିବା ସ୍ଥିତିରେ। ତେଣୁ କେହି ଚାହିଁଲେ ବି ତାଙ୍କୁ ଉଦ୍ଧାର କରିପାରିବେନି। ତେଣୁ ପ୍ରଶାନ୍ତ ଯେପରି ଭାବେ ମମତାଙ୍କୁ ସହାୟତାର ଦେବାକୁ ଆଗେଇ ଆସିଛନ୍ତି ତାହା ଅସମ୍ଭବ। କାରଣ ପ୍ରଶାନ୍ତ ଏବେ ଯେଉଁ କଲେଜରେ ପାଠ ପଢୁଛନ୍ତି ସ୍ବରାଷ୍ଟ୍ରମନ୍ତ୍ରୀ ଅଭିତ ଶାହ ସେହି ସ୍କୁଲର ପ୍ରିନ୍ସିପାଲ।