ମାଞ୍ଚେଷ୍ଟର,୨୦।୨- ମାଞ୍ଚେଷ୍ଟର ସିଟି ଦଳର ମିଡ୍ଫିଲ୍ଡର ରୋଡ୍ରି ପ୍ରିମିୟର ଲିଗ୍ର ଏକ ରେକର୍ଡ ଅଧିକାରୀ ହୋଇଛନ୍ତି। ମାଞ୍ଚେଷ୍ଟର ସିଟି ୨-୦ ଗୋଲରେ ଓ୍ବେଷ୍ଟ ହାମକୁ ହରାଇ ଦେଇଛି। ଏହି ମ୍ୟାଚ୍ରେ ସ୍ପାନିଶ ମିଡ୍ଫିଲ୍ଡର ରୋଡ୍ରି ପ୍ରଥମ ଗୋଲ ଦେଇଥିଲେ। ଦ୍ୱିତୀୟାର୍ଦ୍ଧ ତଥା ୬୨ତମ ମିନିଟ୍ରେ କେଭିନ ଡେ ବ୍ରୁନେ ଦ୍ୱିତୀୟ ଗୋଲ ସ୍କୋର କରିଥିଲେ। ପୂରା ମ୍ୟାଚ୍ରେ ରୋଡ୍ରି ୧୮୮ଟି ପାସ କରିଥିଲେ। ଏଥିରେ ୧୭୮ଟି ସଫଳ ହୋଇଥିଲା। ପ୍ରିମିୟର ଲିଗ୍ରେ ଜଣେ ଖେଳାଳି ଗୋଟିଏ ମ୍ୟାଚ୍ରେ ଏହା ସର୍ବାଧିକ ସଂଖ୍ୟକ ପାସ। ରୋଡ୍ରି ପୂରା ଓ୍ବେଷ୍ଟ ହାମ ଦଳଠାରୁ ଅଧିକ ସଂଖ୍ୟାରେ ପାସ କରିଥିଲେ। ଓ୍ବେଷ୍ଟ ହାମ ଦଳର ଖେଳାଳିମାନେ ମୋଟ ୧୬୯ ପାସ କରିଥିଲେ।