ପ୍ରେଗ୍,୨୩ା୨ (ପି.ଟି.)- ଭାରତର ଜି. ଆକାଶ ଏଠାରେ ଚାଲିଥିବା ପ୍ରେଗ୍ ଚେସ୍ ଫେଷ୍ଟିଭାଲର ଓପନ୍ ଇଭେଣ୍ଟ ଜିତିଛନ୍ତି। ୯ ରାଉଣ୍ଡ ବିଶିଷ୍ଟ ଏହି ପ୍ରତିଯୋଗିତାରେ ଆକାଶ ଅପରାଜିତ ରହିବା ସହ ୭.୫ ପଏଣ୍ଟ ଅର୍ଜନ କରିଥିଲେ। ସ୍ଲୋଭାକିଆର ଜର୍ଗସ ପେଚାକ୍ ଏବଂ ନରଓ୍ବେର ଜୋହାନ-ସେବାଷ୍ଟିଆନ ଖ୍ରିଷ୍ଟିଆନସେନ୍ ମଧ୍ୟ ସମାନ ୭.୫ ପଏଣ୍ଟ ହାସଲ କରିଥିଲେ। ହେଲେ ଆକାଶ ଟାଇବ୍ରେକରରେ ବିଜୟୀ ହୋଇଥିଲେ। ତାମିଲନାଡୁର ଏହି ଖେଳାଳି ଲାଟିିଭିଆ ବିପକ୍ଷ ତାଙ୍କ ଫାଇନାଲ ଗେମ୍ ୫୧ଟି ମୁଭ୍ ପରେ ଡ୍ର ରଖିଥିଲେ। ୮ମ ରାଉଣ୍ଡରେ ଭାରତର ଏହି ଅନ୍ତର୍ଜାତୀୟ ମାଷ୍ଟର ଗ୍ରାଣ୍ଡମାଷ୍ଟର ଅର୍ମାନ ମିକେଲୟାନଙ୍କୁ ପରାସ୍ତ କରିଥିଲେ। ଆକାଶ ୨୦ତମ ସିଡ୍ ଭାବେ ଏହି ଇଭେଣ୍ଟ ଆରମ୍ଭ କରିଥିଲେ। ଏଠାରେ ସେ ଗ୍ରାଣ୍ଡମାଷ୍ଟର୍ସ ନର୍ମ ହାସଲ କରିବା ସହ ଆସନ୍ତା ବର୍ଷ ହେବାକୁଥିବା ଟୁର୍ନାମେଣ୍ଟର ଚ୍ୟାଲେଞ୍ଜର୍ସ ଇଭେଣ୍ଟରେ ଭାଗ ନେବାଲାଗି ଯୋଗ୍ୟତା ଅର୍ଜନ କରିଛନ୍ତି।
