ଆରଡି, ୨୪ା୪,(ଡି.ଏନ.ଏ.): ନାବାଳିକାଙ୍କୁ ନେଇ ଫେରାର ହେଉଥିବା ବେଳେ ଭଦ୍ରକ ଜିଲା ଆରଡି ଫାଣ୍ଡି ପୋଲିସ ଜଣେ ୩୨ ବର୍ଷୀୟ ଯୁବକଙ୍କୁ ଧରିବାରେ ସକ୍ଷମ ହୋଇଛି। ସେ ଜଣେ ୧୩ ବର୍ଷର ନାବାଳିକାକୁ ନେଇ ଏକ ସ୍କୁଟିରେ ଚମ୍ପଟ ମାରୁଥିବା ବେଳେ ଆରଡି ନିକଟରେ ପୋଲିସ ତାଙ୍କୁ କାବୁ କରିଛି।
ସୂଚନା ଅନୁସାରେ, କେନ୍ଦ୍ରାପଡା ଜିଲା ମାନପୁର ଅଞ୍ଚଳର ସେହି ଯୁବକ ବାଲେଶ୍ବର ଜିଲା ଖନ୍ତାପଡା ଅଞ୍ଚଳରେ ପ୍ରେମ ବିବାହ କରିଥିଲେ। ତାଙ୍କର ଏକ ସନ୍ତାନ ରହିଛ। ଏହା ସତ୍ତ୍ବେ ସେ ଜଣେ ନାବାଳିକାକୁ ନେଇ ଫେରାର ହେଉଥିଲାବେଳେ ପୋଲିସ ହାତରେ ଧରା ପଡିଛନ୍ତି। ଆରଡି ଫାଣ୍ତି ଅଧିକାରୀ ଏ ସଂପର୍କରେ ଖନ୍ତାପଡା ଥାନାଧିକାରୀଙ୍କୁ ଯୋଗାଯୋଗ କରିବା ସହ ସେହି ନାବାଳିକାର ପିତାମାତାଙ୍କୁ ଏ ସଂକ୍ରାନ୍ତ ଖବର ଜଣାଇଛନ୍ତି । ନାବାଳିକାର ସମ୍ପର୍କୀୟ ଖନ୍ତାପଡା ପୋଲିସ ସହାୟତାରେ ଆରଡି ଆସୁଥିବା ସୂଚନା ମିଳିଛି।