ଏବେ ତ ଲକ୍ଡାଉନ୍ ଚାଲିଛି। ଯେହେତୁ ଶୁଟିଂ ନାହିଁ, ତେଣୁ ଘରେ ହିଁ ରହିବାକୁ ପଡୁଛି । ଏହି ସମୟରେ ନିଜ ଶୁଟିଂ ସମୟର ଅନୁଭୂତି ବିଷୟରେ ଦୀପକ ଯାହା କୁହନ୍ତି….
ବର୍ତ୍ତମାନ ଓଡ଼ିଆ ସିନେମାର ଅନ୍ୟତମ ରୋମାଣ୍ଟିକ ନାୟକ ଭାବରେ ଦୀପକ ନିଜକୁ ପରିିଚିତ କରାଇ ପାରିଛନ୍ତି। ‘ତୁମେ ଥିଲେ ସାଥୀରେ‘, ‘ଚାନ୍ଦ ନା ତମେ ତାରା’, ‘ଆଖି ଖୋଲିଦେଲେ ତୁ ହି ତୁ’, ‘ସପନର ନାୟିକା’ ଆଦି ଚଳଚ୍ଚିତ୍ରର ନାୟକ ସାଜିସାରିଛନ୍ତି ସେ। ଖାସ୍ କଥା ହେଲା, ଦୀପକଙ୍କ ଅଭିନୀତ ପ୍ରଥମ ସିନେମା ଥିଲା ‘ମନ ମୋର ପ୍ରଜାପତି’। ପ୍ରଯୋଜକ ଅନାମ ଚରଣ ସାହୁ ତାଙ୍କୁ ନାୟକ ଭାବରେ ବ୍ରେକ୍ ଦେଇଥିଲେ। ଉକ୍ତ ସିନେମାର ଏକ ସିକୁଏନ୍ସକୁ ଏ ପର୍ଯ୍ୟନ୍ତ ଭୁଲି ପାରୁନାହାନ୍ତି ଦୀପକ। ଏ ସମ୍ପର୍କରେ ସେ କହନ୍ତି, ‘କାହାଣୀ ଅନୁସାରେ ଏହି ଫିଲ୍ମରେ ମୋ ପ୍ରେମିକା (ବଙ୍ଗୀୟ ଅଭିନେତ୍ରୀ କୋଏଲ ବାନାର୍ଜୀ))ଙ୍କର ଏକ କୁକୁର ଥିଲା। ମୁଁ ଯେତେବେଳେ ପ୍ରେମିକାକୁ ଭେଟିବାକୁ ଯାଉଛି ସେହି କୁକୁର ମୋତେ ଗୋଡାଉଛି। ଯେତେବେଳେ ଶଟ୍ ନିଆଗଲା, କୁକୁର ଗୋଡାଇବା କଥା ଭାବିଲା ମାତ୍ରେ ମୋ ମନରେ ଭୟ ଆସିଥିଲା। ମୁଁ ଭାବିଲି, କାଳେ ସେହି କୁକୁର ମୋତେ କାମୁଡି ଦେବ ? କିନ୍ତୁ ଠାକୁରଙ୍କୁ ଡାକି କ୍ୟାମେରା ସାମନା କରିଥିଲି। ଅସଲ କଥା ହେଲା ଶଟ୍ଟି ଏକାଥରେ ଓକେ ହୋଇଥିଲା।’