ବମ୍ବେ: କିଛି ଦିନ ଧରି ଶିବାନୀ ଦାଣ୍ଡେକରଙ୍କୁ ଡେଟ୍ କରିବା ପରେ ଏବେ ବିବାହ କରିବାକୁ ମନ ବଳାଇଲେଣି ଅଭିନେତା ଫରହାନ୍ ଅଖତର। ଚଳିତବର୍ଷ କିଛି ହାତଗଣତି ପ୍ରୋଜେକ୍ଟରେ କାମ ସରିବା ପରେ ସେ ବିବାହ କରିବେ। ବର୍ଷ ମଧ୍ୟଭାଗ ନଚେତ ଶେଷ ଆଡକୁ ଏହି ବିବାହ ହୋଇପାରେ। ଏଥିପାଇଁ ଏବେଠାରୁ ପ୍ରସ୍ତୁତି ପର୍ବ ମଧ୍ୟ ଆରମ୍ଭ ହୋଇଯାଇଥିବା ଶୁଣିବାକୁ ମିଳିଛି।
ଫର୍ହାନ ଶେଷ ଥରପାଇଁ ଫିଲ୍ମ ‘ଦ ସ୍କାଇ ଇଜ୍ ପିଙ୍କ’ରେ ନଜରକୁ ଆସିଥିଲେ। ଚଳଚ୍ଚିତ୍ରରେ ତାଙ୍କର ନାୟିକା ସାଜିଥିଲେ ପ୍ରିୟଙ୍କା ଚୋପ୍ରା। ଏବେ ସେ ଫିଲ୍ମ ‘ତୁଫାନ୍’ର ଶୁଟିଂରେ ବ୍ୟସ୍ତ ଅଛନ୍ତି। ୨୦୨୦ ଅକ୍ଟୋବର ୨ରେ ପରଦାକୁ ଆସିବ। ରିଲିଜ୍ ପରେ ଫରହାନ୍ ବିବାହ କରିପାରନ୍ତି। ତେବେ ବିବାହ ତାରିଖ ଫାଇନାଲ ହୋଇନଥିଲେ ହେଁ ଏଥିପାଇଁ ପ୍ରସ୍ତୁତି ଆରମ୍ଭ ହୋଇଗଲାଣି।