ବଅଁରପାଳ,୨।୧୦(ଡି.ଏନ୍.ଏ.): ଅନୁଗୋଳ ଜିଲା ବଅଁରପାଳ ଅନୁଗୋଳ ଲାୟନ୍ସ କ୍ଲବ ହାର୍ମୋନି ପକ୍ଷରୁ ବୁଧବାର ପ୍ଲାଷ୍ଟିକମୁକ୍ତ ଅଭିଯାନ ଆରମ୍ଭ ହୋଇଛି। ଏ ନେଇ କୁଲାଡ଼ ଶିବମନ୍ଦିର ଓ ଅଲେଖ ମନ୍ଦିରକୁ ୫ ଶହରୁ ଊର୍ଦ୍ଧ୍ୱ ଷ୍ଟିଲ୍ ଗ୍ଲାସ୍ ପ୍ରଦାନ କରାଯାଇଛି। ଗାନ୍ଧୀ ଜୟନ୍ତୀ ଅବସରରେ ବ୍ଲକ ପକ୍ଷରୁ ଏହି କାର୍ଯ୍ୟ ହାତକୁ ନିଆଯାଇଛି। ଚଳିତ ମାସରେ ପ୍ରାୟ ୧୦ ହଜାର ଷ୍ଟିଲ୍ ଗ୍ଲାସ ମନ୍ଦିର ମଠକୁ ପ୍ରଦାନ କରାଯିବ ବୋଲି କୁହାଯାଇଛି। ଏଥିରେ କ୍ଲବ ସଭାପତି ମନୋରଞ୍ଜନ ଜେନା, ସମ୍ପାଦକ କିଶୋର ଚନ୍ଦ୍ର ସାହୁ, ସଭାପତି ଭାଗୀରଥି ଜେନା, ଗୁରୁ ଚରଣ ସେଠ୍ଙ୍କ ସମେତ ବହୁ ଗ୍ରାମବାସୀ ଉପସ୍ଥିତ ଥିଲେ।