ଭଞ୍ଜନଗର,୭।୧୧(ଡି.ଏନ.ଏ.)- ଭଞ୍ଜନଗର ସହର ଦେଇ ଯାଇଥିବା ରାଞ୍ଚତ୍-ବିଜୟୱାଡ଼ା କରିଡ଼ରର ସ୍ଥାନୀୟ ଶ୍ରୀରାମନଗର ସେତୁ ଉପର ଦେଇ ଯାଇଥିବା ପାଣି ପାଇପ୍ ବହୁଦିନ ହେବ ଫାଟିଯାଇଛି। ଏଥିରୁ ପାଣି ବାହାରି ମୁଖ୍ୟ ରାସ୍ତାରେ ଭାସୁଛି। ଏହାର ପ୍ରଭାବରେ ରାସ୍ତା ଖରାପ ହେବାସହ ଖାଲଢ଼ିପ ହୋଇଗଲାଣି। ସମ୍ପୃକ୍ତ ରାସ୍ତାରେ ଯାନବାହାନ ଅତିକ୍ରମ କରିବା ସମୟରେ ଲୋକଙ୍କ ଉପରେ ପାଣି ଛିଟିକା ପଡୁଛି। ଯାହାକୁ ନେଇ ସାଧାରଣରେ ଅସନ୍ତୋଷ ପ୍ରକାଶ ପାଇଛି। ଜନସ୍ବାସ୍ଥ୍ୟ ବିଭାଗ ପକ୍ଷରୁ ମରାମତି ପ୍ରତି ଗୁରୁତ୍ୱ ଦିଆଯାଉନାହିଁ। ରୋଡ଼ ଉପରେ ପାଣି ୨୪ ଘଣ୍ଟା ଜମିରହୁଛି। ଅନ୍ୟପଟେ ଜାତୀୟ ରାଜପଥ ସମ୍ପ୍ରସାରଣ କାମ ଚାଲିଥିବା ଯୋଗୁ ରାଜପଥ କର୍ତ୍ତୃପକ୍ଷ ମଧ୍ୟ ଉକ୍ତ ରାସ୍ତା ମରାମତି ପ୍ରତି ଦୃଷ୍ଟି ଦେଉନାହିଁ। ଭଞ୍ଜନଗର ପିଏଚ୍ଡ଼ି ଅଫିସ ପରିସରରେ ଥିବା ସମ୍ପରୁ ଏକ ପାଇପ ଶ୍ରୀରାମ ନଗରକୁ ଯାଇଛି। ଶ୍ରୀରାମନଗର ପୂର୍ବରୁ ପଡୁଥିବା ସେତୁ ଉପରେ ପାଣି ପାଇପ୍ର ଏକାଧିକ ସ୍ଥାନରେ କଣା ହୋଇ ପାଣି ରାସ୍ତାରେ ଭାସୁଛି। ବିଭାଗୀୟ ଉଚ୍ଚ କର୍ତ୍ତୃପକ୍ଷ ଏଥିପ୍ରତି ଦୃଷ୍ଟି ଦେବାକୁ ଦାବି ହେଉଛି।