ନୂଆଦିଲ୍ଲୀ,୨୫।୧୧: ମହାରାଷ୍ଟ୍ରରେ ଜାରି ରହିଥିବା ରାଜନୈତିକ ଡ୍ରାମାର ଅନ୍ତ ଘଟୁନି। କାହା ହାତରେ ଶାସନ ଡୋରି ଆସିିବ ସେ ନେଇ ନାନା କଳ୍ପନା ଜଳ୍ପନା ଜାରି ରହିଛି। ରାଜ୍ୟରେ ମୁଖ୍ୟମନ୍ତ୍ରୀ ଭାବେ ଇତିମଧ୍ୟରେ ଦେବେନ୍ଦ୍ର ଫଡ୍ନବିସ୍ ସୋମବାର ଦାୟିତ୍ୱ ସମ୍ଭାଳିଛନ୍ତି। ସୁପ୍ରିମ୍କୋର୍ଟ ଶିବସେନା-ଏନ୍ସିପି-କଂଗ୍ରେସର ଆବେଦନ ଉପରେ ମଙ୍ଗଳବାର ପୂର୍ବାହ୍ନ ୧୦ଟା ୩୦ରେ ରାୟ ଦେବେ। ସର୍ବୋଚ୍ଚ ନ୍ୟାୟାଳୟ ରାୟ ସଂରକ୍ଷିତ ରଖିଛନ୍ତି। ମାତ୍ର ଏହା ଦ୍ୱାରା ଫଡ୍ନବିସଙ୍କୁ ସମର୍ଥନ ଯୋଗାଡ଼ ପାଇଁ ୨୪ ଘଣ୍ଟା ସମୟ ମିଳିଛି। ତେବେ ଫଡ୍ନବିସଙ୍କ ଶକ୍ତି ପରୀକ୍ଷା ସମୟ ସୀମା ସମ୍ପର୍କରେ ବିଚାରପତି ଏନ୍.ଓ୍ବି. ରମନା, ଅଶୋକ ଭୂଷଣ ଏବଂ ସଞ୍ଜିବ୍ ଖାନ୍ନାଙ୍କ ଦ୍ୱାରା ଗଠିତ ତିନି ଜଣିଆ ଖଣ୍ଡପୀଠଙ୍କ ପକ୍ଷରୁ ମଙ୍ଗଳବାର ରାୟ ପ୍ରକାଶ ପାଇବ।
