ପାତ୍ରପୁର,୧୧ା୨(ଡି.ଏନ୍.ଏ.)-ଗଞ୍ଜାମ ଜିଲା ପାତ୍ରପୁର ବ୍ଲକ ବାଦପୁର ପଞ୍ଚାୟତ ବୁରୁପଡ଼ା ପ୍ରାଥମିକ ବିଦ୍ୟାଳୟର ୪୦ରୁ ଊର୍ଦ୍ଧ୍ୱ ଛାତ୍ରୀଛାତ୍ର ସୋମବାର ଫାଇଲେରିଆ ବଟିକା ଖାଇ ଅସୁସ୍ଥ ହୋଇଥିଲେ। ସେମାନଙ୍କୁ ପାତ୍ରପୁର ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ଭର୍ତ୍ତି କରାଯାଇଥିଲା। ଚିକିତ୍ସା ପରେ ସମସ୍ତେ ସୁସ୍ଥ ହୋଇ ଫେରିଥିବା ଜଣାପଡିଛି। ଏନେଇ ଗ୍ରାମରେ ଉତ୍ତେଜନା ଦେଖାଦେଇଛି। ପ୍ରକାଶ ଯେ, ସୋମବାର ପ୍ରଧାନ ଶିକ୍ଷକ ବିଦ୍ୟାଳୟର ପ୍ରାୟ ୧୦୦ ଛାତ୍ରୀଛାତ୍ରଙ୍କୁ ମଧ୍ୟାହ୍ନ ଭୋଜନ ପରେ ଫାଇଲେରିଆ ବଟିକା ଖାଇବାକୁ ଦେଇଥିଲେ। ଅପରାହ୍ନରେ ବିଦ୍ୟାଳୟ ଛୁଟିପରେ ସମସ୍ତେ ଘରକୁ ଯାଇଥିଲେ। ସନ୍ଧ୍ୟାରେ କେତେଜଣ ଛାତ୍ରୀଛାତ୍ରଙ୍କ ମୁଣ୍ଡ ବୁଲାଇବା ସହ ବାନ୍ତି ହୋଇଥିଲା। ଅଭିଭାବକମାନେ ଅଟୋ ଓ ବାଇକ୍ରେ ପାତ୍ରପୁର ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରକୁ ନେଇଥିଲେ। ଗ୍ରାମର ମାଧବ ବେହେରା, ପବିତ୍ର ପ୍ରଧାନ, ଅଜିତ ପ୍ରଧାନ, ଚେତନ ସାହୁ, ଲିପି ସେଠୀ, ସାଇ ପ୍ରଧାନ, ସନ୍ଧ୍ୟା ବେହେରା, ଚାନ୍ଦିନୀ ବେହେରା, ନନ୍ଦିନୀ ବେହେରା, ସନିଆ ପ୍ରଧାନ, ନିଶି ପ୍ରଧାନ, ଆରତି ପ୍ରଧାନ, ସ୍ନେହା ପ୍ରଧାନ, ସୋନାଲି କନ୍ୟାରୀ, ଶ୍ରୀୟା ପ୍ରଧାନ, ସଞୟ ବେହେରା, ପୂଜା ବେହେରା, ସୁରେଶ ବେହେରା, ମଙ୍ଗଳା ବେହେରା, ଅର୍ଚ୍ଚିତା ବେହେରା, ଅନିତା ବେହେରା, ବାବୁଲା ସାହୁ, ରାଜେଶ୍ୱରୀ ବେହେରା, ଗାୟତ୍ରୀ ପ୍ରଧାନ, ଅଙ୍କିତ ପ୍ରଧାନଙ୍କ ସହ ପ୍ରାୟ ୪୦ରୁ ଉର୍ଦ୍ଧ୍ୱ ଛାତ୍ରୀଛାତ୍ର ମେଡିକାଲରେ ଚିକିତ୍ସିତ ହେଉଛନ୍ତି।
ନେଇ ଗ୍ରାମରେ ଭୟର ବାତାବରଣ ଦେଖାଦେବା ସହ ଗ୍ରାମବାସୀ ସ୍କୁଲ ଆଗରେ ରୁଣ୍ଡହୋଇ ପାଟିତୁଣ୍ଡ କରିଥିଲେ। ଖବର ଲେଖାହେବା ସୁଦ୍ଧା ପ୍ରଶାସନ କିମ୍ବା ବିଦ୍ୟାଳୟର କୌଣସି ଶିକ୍ଷକ ଗ୍ରାମରେ ପହଞ୍ଚତ୍ ନାହାନ୍ତି। ଏନେଇ ପ୍ରଧାନ ଶିକ୍ଷକ ଫକୀର ମୋହନ ବେହେରାଙ୍କୁ କଲ୍ କରିଥିଲେ ମଧ୍ୟ ସେ ଫୋନ ରିସିଭ କରୁନାହାନ୍ତି। ପ୍ରାଥମିକ ଚିକିତ୍ସା ପରେ
କେତେଜଣ ଛାତ୍ରୀଛାତ୍ର ସୁସ୍ଥ ହୋଇ ଘରକୁ ଫେରିଛନ୍ତି।