ଯୋଡ଼ା,୪ା୭(ଡି.ଏନ୍.ଏ.) : କେନ୍ଦୁଝର ଜିଲା ଯୋଡ଼ାସ୍ଥିତ ଟାଟା ଷ୍ଟିଲ କମ୍ପାନୀର ଯୋଡ଼ା ଇଷ୍ଟ ଲୁହାପଥର ଖଣିର ଫାଟକରେ ତାଲା ପକାଇ ଯୋଡ଼ା ବସ୍ତିର ମୂଳ ଅଧିବାସୀମାନେ ଗୁରୁବାର ସକାଳୁ ଆନ୍ଦୋଳନରେ ବସିଛନ୍ତି ା କ୍ଷତିଗ୍ରସ୍ତ, ଜମିହରା ଗ୍ରାମବାସୀ ଫାଟକ ବନ୍ଦ କରିବାରୁ କମ୍ପାନୀ କର୍ମଚାରୀ ଓ ଠିକା କର୍ମଚାରୀମାନେ କାର୍ଯ୍ୟସ୍ଥଳକୁ ଯାଇ ନ ପାରି ଘରକୁ ଫେରିଛନ୍ତି। ଦାବି ପୂରଣ ନ ହେବା ପର୍ଯ୍ୟନ୍ତ ଆନ୍ଦୋଳନ ଜାରି ରହିବ ବୋଲି କ୍ଷତିଗ୍ରସ୍ତମାନେ ଚେତାବନୀ ଦେଇଛନ୍ତି। ଦୀର୍ଘବର୍ଷ ହେବ ଟାଟାଷ୍ଟିଲ ଗ୍ରାମବାସୀଙ୍କ ଜମିରେ ଖଣିଖନନ କରିଆସୁଥିଲେ ମଧ୍ୟ ଜମିହରାଙ୍କ ଦାବି ପ୍ରତି ଆଦୌ କର୍ଣ୍ଣପାତ କରୁନାହିଁ। ରାସ୍ତାଘାଟ, ଶ୍ମଶାନ ଜମି, ଜଙ୍ଗଲ ପରି ସମସ୍ତ ଅଞ୍ଚଳ ନିଜ ଅଧୀନରେ ରଖିଥିବାରୁ ଗ୍ରାମବାସୀ ନାହିଁ ନଥିବା ଅସୁବିଧାର ସମ୍ମୁଖୀନ ହେଉଛନ୍ତି। ଜମି ନେବା ସମୟରେ କମ୍ପାନୀ ପକ୍ଷରୁ ଗ୍ରାମବାସୀଙ୍କୁ ନିଯୁକ୍ତି ଦେବା ସହିତ ଗ୍ରାମରେ ବିଭିନ୍ନ ଉନ୍ନତିମୂଳକ କାର୍ଯ୍ୟ କରିବା ପାଇଁ ପ୍ରତିଶୃତି ଦେଇଥିଲା ା ପରବର୍ତ୍ତୀ କମ୍ପାନୀ ନିଜ ଲିଜ୍ ଅଞ୍ଚଳ କହି ପାଚେରୀ ଘେରାଇଥିଲା। ଶ୍ମଶାନ ଜମିକୁ ନିଜ ଅକ୍ତିଆରକୁ ନେଇଯିବାରୁ ଗ୍ରାମବାସୀ ଶବଦାହ ପାଇଁ ଜାଗା ପାଉନାହାନ୍ତି। ଫଳରେ ଅସନ୍ତୋଷ ବ୍ୟକ୍ତ କରିଛନ୍ତି। ଗତ ୨୦୦୦ ମସିହାରୁ ଜମିହରାମାନେ ଖଣିରେ ଠିକା କମ୍ପାନୀରେ ନିଯୁକ୍ତି ପରିବର୍ତ୍ତେ ସ୍ଥାୟୀ ନିଯୁକ୍ତି, ଟାଟାଷ୍ଟିଲ ଡାକ୍ତରଖାନାରେ ମାଗଣା ଚିକିସତ୍ା ବ୍ୟବସ୍ଥା, ଚାଷଜମିର ପୁନରୁଦ୍ଧାର ଆଦି ଦାବି ନେଇ କମ୍ପାନୀ ଅଧିକାରୀଙ୍କ ସହିତ ଜିଲାପାଳ ଓ ଚମ୍ପୁଆ ଉପଜିଲାପାଳଙ୍କ ନିକଟରେ ଲିଖିତ ଅଭିଯୋଗ କରାଯାଇ ଆସୁଛନ୍ତି ା ମାତ୍ର ଏ ଦିଗରେ କମ୍ପାନୀ ପକ୍ଷରୁ କୌଣସି ପଦକ୍ଷେପ ନିଆଯାଉ ନ ଥିବା ମହିଳା ନେତ୍ରୀ ଉପମା ନାଏକ, ଅମୃତା ନାଏକ, ରୁକ୍ମିଣୀ ବେହେରା, ପୁଜୁନି ପାତ୍ର, କୁମାରୀ ନାଏକ, ସୁମାରୀ ନାଏକ, ଉମା ପାତ୍ର ପ୍ରମୁଖ କହିଛନ୍ତି ା ଏନେଇ ଟାଟାଷ୍ଟିଲ ଖଣିର ବରିଷ୍ଠ ଅଧିକାରୀ ବିଜୟେନ୍ଦ୍ର ଆନ୍ଦୋଳନକାରୀମାନଙ୍କ ସହ ଆଲୋଚନା କରିଥିଲେ ହେଁ କୌଣସି ଫଳପ୍ରଦ ହୋଇନାହିଁ ା ଏନେଇ ବିଜୟେନ୍ଦ୍ରଙ୍କୁ ପଚାରିବାରୁ ସନ୍ତୋଷଜନକ ଉତ୍ତର ମିଳି ନ ଥିଲା। କେନ୍ଦୁଝର ଜିଲାର ଯୋଡା ଇଷ୍ଟ ଖଣିରେ ଝାଡ଼ଖଣ୍ଡ, ପଶ୍ଚିମବଙ୍ଗ, ବିହାର, ଉତ୍ତରପ୍ରଦେଶରୁ କିଛି ଦିନ ହେଲା କିଛି ଯୁବକଙ୍କୁ ଡ୍ରାଇଭର ଓ ଅନ୍ୟ ପଦବୀରେ ଚାକିରି ମିଳିଥିବା ବେଳେ ସ୍ଥାନୀୟ ବେକାର ଯୁବତୀ ଓ ଯୁବକଙ୍କୁ କମ୍ପାନୀ ନିଯୁକ୍ତି ଦେଉନାହିଁ ବୋଲି ଆନ୍ଦୋଳନକାରୀମାନେ କହିଛନ୍ତି।