ଭଦ୍ରକ ଅଫିସ, ୧୪ା୬-ଭଦ୍ରକ ଜିଲାରେ ସପ୍ତାହର ଦୁଇଦିନ ଶଟ୍ଡାଉନ ଥିବାରୁ ପହିଲି ରଜ ଫିକା ପଡ଼ିଛି । ଆଉ କିଏ ଘର ଭିତରେ ରଜ ପାଳିଛି ତ କିଏ କରୋନା ଯୋଦ୍ଧାଙ୍କୁ ଉପହାର ଦେଇଛି। ଆଉ କିଏ ଅଭାବ ଅନାଟନରେ ଥିବା ପରିବାରର ଟିକି ଟିକି ଝିଅଙ୍କୁ ଡ୍ରେସ ବାଣ୍ଟିଛି। କରୋନା କଟକଣା ଭିତରେ ପହିଲି ରଜକୁ ନିରାଡ଼ମ୍ବର ଭାବେ ପାଳନ କରୁଛନ୍ତି ସମସ୍ତେ। ଶଟ୍ଡାଉନ କଟକଣା ମଧ୍ୟରେ ଫିକା ପଡ଼ିଛି ପହିଲି ରଜ। ଏହା ଭିତରେ ଗାଁ ର ଝିଅ ମାନେ ହାତରେ ମେହେନ୍ଦି ଓ ପାଦରେ ଅଳତା ଲଗାଇଛନ୍ତି । ନୂଆ ଡ୍ରେସ ମଧ୍ୟ ପିନ୍ଧିଛନ୍ତି ପିଠା, ମିଠା , ଆମ୍ବ , ପଣସ ଖାଇ ରଜ ମନାଇଛନ୍ତି । କିନ୍ତୁ କଟକଣା ଯୋଗୁ ସାଙ୍ଗଙ୍କ ସହ ଗାଁ ବୁଲିନାହାନ୍ତି। ଗାଁ ମୁଣ୍ଡରେ ସାମୂହିକ ଭାବେ ଦୋଳି ଖେଳ ହେଉନି। ଘର ବାଡ଼ିରେ ଛୋଟିଆ ବାଉଁଶ ଦୋଳିଟିଏ ବାନ୍ଧି ଯିଏ ଯେମିତି ରଜ ଦୋଳିର ପରମ୍ପରାକୁ ବଜାୟ ରଖିଛନ୍ତି । ମାସ୍କ ପିନ୍ଧି ଓ ସାମାଜିକ ଦୂରତା ବଜାୟ ରଖି ଦୋଳି ଖେଳ ଚାଲିଛି। ଅନ୍ୟପକ୍ଷରେ କେତେଜଣ ବ୍ୟକ୍ତି ଆର୍ଥିକ ଅନଗ୍ରସର ପରିବାରର କୁନି କୁନି ପିଲାଙ୍କୁ ଡ୍ରେସ ବାଣ୍ଟି ରଜପର୍ବ ପାଳନ କରିଛନ୍ତି।
ଫଟୋ- ଘର ବାଡ଼ିରେ ବନ୍ଧା ହୋଇଥିବା ଦୋଳିରେ ମଜା ଉଠାଉଛନ୍ତି କୁଆଁରୀ ମାନେ।