ଏଫ୍ବିବି ଫେମିନା ମିସ୍ ଇଣ୍ଡିଆ ଫାଇନାଲିଷ୍ଟ୍ ଟାଇଟଲ୍ ସହ ମିସ୍ ଓଡ଼ିଶା ଓ ମିସ୍ ରୂପଶ୍ରୀ ଟାଇଟଲ୍। କେବଳ ଏତିକି ନୁହେଁ, ଭାରତରେ ପ୍ରଥମଥର ପାଇଁ ଆୟୋଜିତ ହୋଇଥିବା ବିଶ୍ୱ ଯୁବ ସମ୍ମିଳନୀ(ଓ୍ବାର୍ଲଡ ୟୁଥ୍ କନ୍ଫରେନ୍ସ ଅନ୍ କାଇଣ୍ଡନେସ୍)ରେ ଏକମାତ୍ର ଓଡ଼ିଆଭାବେ ଯୋଗଦେଇଥିଲେ ମଡେଲ ପୂଜା ମିଶ୍ର। ଭାରତ-ମାଲ୍ଡିଭ୍ସ ୟୁଥ୍ ଏକ୍ସଚେଞ୍ଜ୍ ପ୍ରୋଗ୍ରାମରେ ମାଳଡିଭ୍ସ ପାଇଁ ପ୍ରଥମ ଇଣ୍ଡିଆନ୍ ଆମ୍ବାସାଡର ହେବାସହ କିନ୍ନର, ଦିବ୍ୟାଙ୍ଗ ଏବଂ ହ୍ବିଲ୍ ଚେୟାର ବ୍ୟବହାରକାରୀମାନଙ୍କୁ ର଼୍ୟାମ୍ପ୍ରେ ଚଲାଇ ଏକ ନିଆରା ଉଦାହରଣ ସୃଷ୍ଟି କରିଥିଲେ। ମଡେଲିଂ ପାଇଁ ନିଜ ଫିଟ୍ନେସ୍ ଉପରେ ବିଶେଷ ଧ୍ୟାନ ଦେଉଥିବା ପୂଜା ବାସ୍କେଟ୍ବଲ ଓ ବ୍ୟାଡ୍ମିଣ୍ଟନ୍ ଭଳି କ୍ରୀଡାକୁ ନିଜ ଫିଟ୍ ରହିବାର ସମସ୍ତ କ୍ରେଡିଟ୍ ଦିଅନ୍ତି।
ବିଉଟି ପ୍ୟାଜେଣ୍ଟ୍ କିମ୍ବା କୌଣସି ପ୍ରତିଯୋଗିତା ଥିଲେ ସେ ଫିଟ୍ନେସ୍ ଉପରେ ବିଶେଷ ଧ୍ୟାନ ଦେଇଥାନ୍ତି। ନଚେତ୍ ନିଜ ପସନ୍ଦର ଖାଦ୍ୟ ଖାଇବାକୁ ସେ ପଛାନ୍ତି ନାହିଁ। ଦିନକୁ ୫/୬ ଲିଟର ପାଣି ପିଇବା ସହ ଯଥାସମ୍ଭବ ଫ୍ରୁଟ୍ସ ଖାଇଥାନ୍ତି। ସ୍ପୋର୍ଟସ୍ ବ୍ୟତୀତ ପାଣି ଓ ଫଳ ତାଙ୍କ ଫିଟ୍ନେସ୍ର ଆଉଏକ ସିକ୍ରେଟ୍ କହିଲେ ଚଳେ। ଦୀର୍ଘବର୍ଷ ଧରି ବାସ୍କେଟବଲ୍ ଭଳି କ୍ରୀଡା ସହ ଜଡ଼ିତ ଥିବା ପୂଜା ଏବେବି ଫିଟ୍ ରହିବାକୁ ବାସ୍କେଟ୍ବଲ୍ ଖେଳିଥାନ୍ତି। ଅନ୍ୟ ମଡେଲ୍ମାନଙ୍କ ଭଳି ସେ ଜିମ୍ ଯିବାକୁ ଆଦୌ ପସନ୍ଦ କରନ୍ତିନାହିଁ। ଏହା ପରିବର୍ତ୍ତେ ଯଦି ସମୟ ମିଳେ ଘରେ ଓ୍ବାର୍କଆଉଟ୍ କରିବାକୁ ପସନ୍ଦ କରନ୍ତି। ‘ସ୍କ୍ବାଟ୍’ ତାଙ୍କ ଫେଭରାଇଟ୍ ଏକ୍ସରସାଇଜ୍ ହୋଇଥିବା ବେଳେ କୌଣସି ଶୋ’ ପୂର୍ବରୁ ସେ ଅଧିକ ଏକ୍ସରସାଇଜ୍ କରିଥାନ୍ତି। ଏନେଇ ପୂଜା କୁହନ୍ତି, ଖାଇବା ମୋତେ ଏତେ ଭଲ ଲାଗେନା। କିନ୍ତୁ ମୁଁ ବହୁତ ଅଧିକ ଫ୍ରୁଟ୍ସ ଖାଏ ଓ ପାଣିପିଏ। ଅଧିକ ପାଣି ଓ ଫଳ କେବଳ ଫିଟ୍ ରହିବାରେ ନୁହେଁ, ତ୍ୱଚାରେ ଗ୍ଲୋ ଆଣିବାରେ ମଧ୍ୟ ସାହାଯ୍ୟ କରେ। ଆଜିକାଲି ଭଲ ଦେଖାଯିବା ପାଇଁ ସମସ୍ତେ ମେଡିସିନ୍ ଖାଉଛନ୍ତି। ବିଶେଷକରି ଯୁବପିଢ଼ି ବହୁତ ଷ୍ଟେର୍ଏଡ୍ ନେଉଛନ୍ତି। ମୁଁ ଏତିକି କହିବି ସେସବୁଠାରୁ ଯଥାସମ୍ଭବ ଦୂରେଇ ରୁହନ୍ତୁ। ଅଳ୍ବ ଟାଇମ୍ରେ ଯାହା କାମକରେ ତାହା ଆମ ଉପରେ ଖରାପ ପ୍ରଭାବ ପକାଏ। ଘରେ ଏକ୍ସରସାଇଜ୍ କରନ୍ତୁ। ଜଙ୍କ୍ଫୁଡ୍ଠାରୁ ଯଥାସମ୍ଭବ ଦୂରେଇ ରୁହନ୍ତୁ ଓ ଘରେ ପ୍ରସ୍ତୁତ ଖାଦ୍ୟ ଖାଆନ୍ତୁ।