ଝୁମ୍ପୁୁରା, ୧୭।୭ (ଡି.ଏନ.ଏ.): ଝୁମ୍ପୁରା ବ୍ଲକ ଅନ୍ତର୍ଗତ କେତେକ ପଞ୍ଚାୟତରେ ପିଡିଏସ ବଣ୍ଟନରେ ବ୍ୟାପକ ଅନିୟମିତତା ନେଇ ପୂର୍ବରୁ ଅଭିଯୋଗ ରହିଛି। ଜଙ୍ଗଲାଞ୍ଚଳରେ ଅବସ୍ଥିତ ଆଦିବାସୀ ଅଧ୍ୟୁଷିତ ବସନ୍ତପୁର ପଞ୍ଚୟତରେ ୨ଦିନ ଧରି ଫିମ୍ପିମରା ପିଡିଏସ ଚାଉଳ ବଣ୍ଟନ ଯୋଗୁ କାର୍ଡଧାରୀଙ୍କ ମଧ୍ୟରେ ଅସନ୍ତୋଷ ପ୍ରକାଶ ପାଇଛି। ଏହି ଗନ୍ଧଯୁକ୍ତ ପିଡିଏସ ଚାଉଳ ବଣ୍ଟନ ବେଳେ ହିତାଧିକାରୀମାନେ ଅସନ୍ତୁଷ୍ଟ ହେବାରୁ ଚାଉଳ ନିଅ ନ ହେଲେ ନାହିଁ ବୋଲି ପଞ୍ଚାୟତ କର୍ମଚାରୀମାନେ କହୁଥିବା ସୂଚନା ମିଳିଛି। ତେବେ ବାଧ୍ୟ ହୋଇ ହିତାଧିକାରୀ ମାନେ ଚାଉଳ ନେଇ ପରେ ଝୁମ୍ପୁରା ଯୋଗାଣ ଅଧିକାରୀଙ୍କ ଦୃଷ୍ଟି ଆକର୍ଷଣ କରିଛନ୍ତି। ଝୁମ୍ପୁରା ଗୋଦାମରୁ ଚାଉଳ ପରିବହନ କରୁଥିବା ସଂସ୍ଥା, ବସନ୍ତପୁର ପଞ୍ଚାୟତକୁ ଭଲ ଚାଉଳ ପହଞ୍ଚାଇଥିବା ନେଇ ସଫେଇ ଦେଇଛି। ତେବେ ଘଟଣାଟି ପ୍ରଘଟ ହେବା ପରେ ମୁଷ୍ଟିମେୟ ଲୋକ ହିତାଧିକାରୀଙ୍କୁ ଧମକ ଦେବା ସହିତ ବର୍ଷା ଯୋଗୁ ଚାଉଳ ଓଦା ହୋଇଯାଇଥିବା କହୁଛନ୍ତି। ଏନେଇ ଝୁମ୍ପୁରା ବ୍ଲକ ଯୋଗାଣ ଅଧିକାରୀ ସରିତା ମିର୍ଦ୍ଧାଙ୍କୁ ପଚାରିବାରୁ ଘଟଣାର ତଦନ୍ତ କରାଯିବ ବୋଲି କହିଛନ୍ତି।