ମନିଲା,୨୬।୧୨: ଖ୍ରୀଷ୍ଟମାସକୁ ଫିକା କରିଦେଲା ଘୂର୍ଣ୍ଣିଝଡ଼ ‘ଫନଫୋନ’। ଡିସେମ୍ବର ୨୫ରେ ଫିଲିପାଇନ୍ସରେ ଆସିଥିବା ଏହି ଘୂର୍ଣ୍ଣଝଡ଼ରେ ବ୍ୟାପକ କ୍ଷୟକ୍ଷତି ହୋଇଥିବା ସୂଚନା ମିଳିଛି। ଏପର୍ଯ୍ୟନ୍ତ ଏଥିରେ ମଧ୍ୟଫିଲିପାଇନ୍ସରେ ୧୬ ଜଣଙ୍କ ମୃତ୍ୟୁ ହୋଇସାରିଲାଣି। ପବନର ବେଗ ଏତେ ଅଧିକ ଥିଲା ଯେ ଏଥିରେ ବଡ ବଡ ଗଛ ଉପୁଡି ପଡିବା ସହ ଅନେକ ଘର ଭାଙ୍ଗି ଯିବାରୁ ଶତାଧିକ ଲୋକେ ବାସଶୂନ୍ୟ ହୋଇ ପଡିଛନ୍ତି। ବିଦ୍ୟୁତ ସରବରାହରେ ବ୍ୟାଘାତ ସୃଷ୍ଟି ହୋଇଛି। ଲୋକମାନଙ୍କୁ ରିଲିଫ୍ ଶିବିରରୁ ସ୍ଥାନାନ୍ତର କରାଯାଇଛି।