ମୁମ୍ବାଇ: ବଲିଉଡ୍ ଅଭିନେତା ଆୟୁଷ୍ମାନ ଖୁରାନା ଏବେ ଆଗାମୀ ଫିଲ୍ମ ‘ବାଲା’ର ଶୁଟିଂରେ ବ୍ୟସ୍ତ। ଏହି ଫିଲ୍ମରେ ତାଙ୍କ ନାୟିକା ଭାବେ ନଜର ଆସିବେ ଭୂମି ପେଡନେକର ଓ ୟାମି ଗୌତମ। ଫିଲ୍ମର କାହାଣୀ ଏକ ଲଣ୍ଡା ଯୁବକ ଓ ଛୋଟ ସହରର ଝିଅଙ୍କ ଜୀବନ ଉପରେ ପର୍ଯ୍ୟବଶିତ। ପ୍ରଥମ ଥର ପାଇଁ ଜଣେ ଅପରିପକ୍ୱ ଲଣ୍ଡା ଯୁବକଙ୍କ ଭୂମିକାରେ ଆୟୁଷ୍ମାନଙ୍କୁ ଦେଖିବାକୁ ମିଳୁଥିବା ବେଳେ ଛୋଟ ସହରର ଯୁବତୀ ସାଜିବେ ଭୂମି।
ଯେହେତୁ ଆୟୁଷ୍ମାନ ଜଣେ ଲଣ୍ଡା ଯୁବକ ଭୂମିକାରେ ନଜର ଆସିବେ, ଏଥିଯୋଗୁ ତାଙ୍କୁ ମୁଣ୍ଡନ କରାଇବାକୁ ପଡ଼ିପାରେ। ମାତ୍ର ଫିଲ୍ମରେ ଯୁବକଙ୍କ ଦୁଇ ରୁ ତିନିଟି ସୋପାନ ବିଷୟରେ ଦେଖାଯିବ। ଏଣୁ ଲଣ୍ଡା ହେବା ଉଚିତ ନୁହେଁ ବୋଲି ସେ ଭାବୁଛନ୍ତି। ମାତ୍ର ଯଦି ବି ସେ ଲଣ୍ଡା ହୁଅନ୍ତି, ତେବେ ନକଲି କେଶ ଲଗାଇ ଫିଲ୍ମର ବାକି ଅଂଶ ଶୁଟିଂ କରିବେ ବୋଲି କହିଛନ୍ତି।
ଆୟୁଷ୍ମାନଙ୍କୁ ଏବେ ୩୦ ବର୍ଷ ହୋଇଥିଲେ ହେଁ ତାଙ୍କର କେଶ ଝଡ଼ିବା ପରି ସମସ୍ୟା ନାହିଁ। ଏଣୁ ଲଣ୍ଡା ହେବା ବହୁତ କଷ୍ଟ ବୋଲି ସେ କହିଛନ୍ତି।
