ମୁମ୍ବାଇ,୪।୬: ଭେଟେରାନ ଫିଲ୍ମ ମେକର ବାସୁ ଚାଟାର୍ଜୀଙ୍କର ଗୁରୁବାର ସକାଳେ ପରଲୋକ ହୋଇଛି। ବାର୍ଦ୍ଧକ୍ୟ କାରଣରୁ ତାଙ୍କର ମୃତ୍ୟୁ ହୋଇଥିବା ସୂଚନା ମିଳିଛି। ‘ଛୋଟି ସି ବାତ’ ଓ ‘ରଜନୀଗନ୍ଧା’ ଭଳି ଚଳଚ୍ଚିତ୍ରର ନିର୍ମାତା ଥିଲେ ଶ୍ରୀଯୁକ୍ତ ଚାଟାର୍ଜୀ। ଫିଲ୍ମ ମେକର ତଥା ଇଣ୍ଡିଆନ୍ ଫିଲ୍ମ ଆଣ୍ଡ ଟେଲିଭିଜନ ଡିରେକ୍ଟରର୍ସ ଆସୋସିଏଶନ(ଆଇଏଫ୍ଟିଡିଏ)ର ପ୍ରେସିଡେଣ୍ଟ ଅଶୋକ ପଣ୍ଡିତ ଟୁଇଟ କରି ପ୍ରଥମେ ବାସୁ ଚାଟାର୍ଜୀଙ୍କ ମୃତ୍ୟୁ ଖବର ଦେଇଥିଲେ। ମୁମ୍ବାଇର ସାନ୍ତାକ୍ରୁଜ ଶ୍ମଶାନରେ ଦିନ ୨ଟାରେ ତାଙ୍କର ଶେଷକୃତ୍ୟ ସମ୍ପନ୍ନ କରାଯିବ ବୋଲି ପଣ୍ଡିତ କହିଛନ୍ତି। ଚାଟାର୍ଜୀଙ୍କ ମୃତ୍ୟୁରେ ବଲିଉଡ୍ ନିର୍ଦ୍ଦେଶକ ମଧୁର ଭଣ୍ଡାରକର ମଧ୍ୟ ଟୁଇଟ୍ କରି ଶୋକ ବ୍ୟକ୍ତ କରିଛନ୍ତି। ଚାଟାର୍ଜୀଙ୍କ ବେଷ୍ଟ ଫିଲ୍ମ ମଧ୍ୟରେ ରହିଛି ‘ଚମେଲିକି ସାଦି’, ‘ମଞ୍ଜିଲ’ ଓ ‘ବାତୋ ବାତୋ ମେଁ’।