ମୁମ୍ବାଇ: ବଲିଉଡ୍ ଖିଲାଡି ବୟ ଅକ୍ଷୟ କୁମାର ଓ ବଲିଉଡ୍ ଦିବା କ୍ର଼୍ୟାଟ୍ରିନା କୈଫ ପୁଣି ଥରେ ଏକାଠି ସ୍କ୍ରିନ୍ ଶେୟାର କରିବାକୁ ଯାଉଛନ୍ତି। ରୋହିତ ସେଟ୍ଟୀଙ୍କ ଫିଲ୍ମ ‘ସୂର୍ଯ୍ୟବଂଶୀ’ରେ ଏହି ଯୋଡି ପୁଣି ଏକାଠି ନଜର ଆସିବେ। ପୂର୍ବରୁ ଦୁହେଁ ବକ୍ସ ଅଫିସ୍ରେ ଧମାଲ୍ କରିଥିବା ବେଳେ ଏବେ ବଡ଼ ପରଦାରେ ତାଙ୍କୁ ପୁଣି ଦେଖିବା ପାଇଁ ପ୍ରଶଂସକ ବେଶ୍ ଉତ୍ସାହିତ ଅଛନ୍ତି। ଏହି ଫିଲ୍ମରେ ଅକ୍ଷୟ ଜଣେ ପୋଲିସ ଚରିତ୍ରରେ ନଜର ଆସିବେ। ପୂର୍ବରୁ ଏନେଇ କିଛି ଭିଡିଓ ଓ ଫଟୋ ସୋସିଆଲ ମିଡିଆରେ ଶେୟାର କରାଯାଇଥିଲା। କିନ୍ତୁ କ୍ୟାଟ୍ରିନା କେଉଁ ଚରିତ୍ରରେ ନଜର ଆସିବେ ସେନେଇ କିଛି ସ୍ପଷ୍ଟ ହୋଇ ନ ଥିଲା। ଏବେ ଏହି ରହସ୍ୟରୁ ପରଦା ଉଠିଛି। ରୋହିତ ଏଥିରୁ ପରଦା ଉଠାଇ କହିଛନ୍ତି, ଫିଲ୍ମରେ କ୍ୟାଟ୍ରିନାଙ୍କୁ ଜଣେ ମହିଳା ଡାକ୍ତର ଚରିତ୍ରରେ ଦେଖିବାକୁ ମିଳିବ। ନିକଟରେ ନେହା ଧୂପିଆଙ୍କ ଚିଟ୍ଚାଟ୍ ଶୋ’ରେ ଏନେଇ ରୋହିତ ଘୋଷଣା କରିଥିଲେ। ଏହି ଶୋ’ରେ ରୋହିତ କହିଥିଲେ, କ୍ୟାଟ୍ରିନା ବହୁତ ପ୍ରଶ୍ନ ପଚାରିଥାନ୍ତି।