ଟୋକିଓ, ୨ା୪ (ଏପି)- ସାଧାରଣରେ ପ୍ରଦର୍ଶନ ଉଦ୍ଦେଶ୍ୟରେ ଜାପାନର ଉତ୍ତର-ପୂର୍ବାଞ୍ଚଳ ଅନ୍ତର୍ଗତ ଫୁକୁଶିମାରେ ଏପ୍ରିଲ ଶେଷ ପର୍ଯ୍ୟନ୍ତ ଅଲିମ୍ପିକ ଜ୍ୟୋତି ରହିବ। ବୁଧବାର ଫୁକୁଶିମାସ୍ଥିତ ଜେ-ଭିଲେଜ୍ ନ୍ୟାଶନାଲ ଟ୍ରେନିଂ ସେଣ୍ଟରଠାରେ ଟୋକିଓ ଅଲିମ୍ପିକ ଓ ଜିଲା କାର୍ଯ୍ୟାଳୟର କର୍ମଚାରୀଙ୍କ ମଧ୍ୟରେ ବିଧିବଦ୍ଧ ଅଲିମ୍ପିକ ଜ୍ୟୋତି ହସ୍ତାନ୍ତର ଉତ୍ସବ ଅନୁଷ୍ଠିତ ହୋଇଯାଇଛି। କରୋନା ଭାଇରସ୍ ପାଇଁ କଟକଣା ଯୋଗୁ ଜନ ସମାଗମରେ କଟକଣା ଜାରି କରାଯାଇଛି। ଫଳରେ ଜିଲା ପ୍ରଶାସନିକ କାର୍ଯ୍ୟାଳୟ ପରିସରରେ ସୀମିତ ଲୋକ ଏହାର ଦର୍ଶନ କରିପାରିବେ। ଅଲିମ୍ପିକ ଜ୍ୟୋତି ମାର୍ଚ୍ଚ ୨୦ ତାରିଖରେ ଗ୍ରୀସ୍ରୁ ଆସି ଆୟୋଜନ ସହର ଜାପାନରେ ପହଞ୍ଚତ୍ଥିଲା। ଫୁକିଶିମାରେ ଗତ ସପ୍ତାହରେ ମଶାଲ ରାଲି ଆରମ୍ଭ ହୋଇଥିଲା। କରୋନା ଭାଇରସ୍ ସଂକ୍ରମଣ ଆଶଙ୍କାରେ ଟୋକିଓ ଗେମ୍ସକୁ ଆସନ୍ତାବର୍ଷକୁ ଘୁଞ୍ଚାଇ ଦିଆଯାଇଛି। ଏହା ୨୦୨୧ ଜୁଲାଇ ୨୩ରେ ଆରମ୍ଭ ହେବାର କାର୍ଯ୍ୟକ୍ରମ ରହିଛି। ଚଳିତ ମାସ ଶେଷରେ ଏହି ଜ୍ୟୋତି କେଉଁଠାକୁ ଯିବ ସେ ସମ୍ପର୍କରେ ଅଫିସିଆଲମାନେ କୌଣସି ସୂଚନା ଦେଇ ନାହାନ୍ତି।