ମୁମ୍ବାଇ,୩୦।୭: ଭାରତୀୟ କ୍ରିକେଟ ଦଳର ପୂର୍ବତନ ଅଧିନାୟକ ସେନାରେ ଟ୍ରେନିଂ ନେବା ପୂର୍ବରୁ ବଲିଉଡ ଅଭିନେତାଙ୍କ ସହ ଫୁଟବଲ ଖେଳିଛନ୍ତି। ଏକ ଦାତବ୍ୟ ଅନୁଷ୍ଠାନକୁ ପାଣ୍ଠି ଯୋଗାଡ ପାଇଁ ଆୟୋଜିତ ଏକ ଫୁଟବଲ ମ୍ୟାଚ୍ରେ ଭାଗ ନେଇଥିଲେ ଧୋନୀ। ଅର୍ଜୁନ କପୁର ଏବଂ ବଲିଉଡର ବହୁ ଅଭିନେତା ମଧ୍ୟ ଏହି ମ୍ୟାଚରେ ଖେଳିଥିଲେ। କ୍ରିକେଟକୁ ଆସିବା ପୂର୍ବରୁ ଧୋନୀ ଜଣେ ଫୁଟବଲ୍ ଖେଳାଳି ଭାବେ ଜଣାଶୁଣା ଥିଲେ। ସୂଚନାଯୋଗ୍ୟ, ବିଶ୍ୱକପରୁ ବିଦାୟ ନେବା ପରେ ଭାରତ ଓ୍ବେଷ୍ଟଇଣ୍ଡିଜ୍ ଗସ୍ତରେ ଯାଇଥିଲେ ମଧ୍ୟ ଧୋନୀ ଏହି ଗସ୍ତରେ ଯିବାକୁ ମନା କରିଦେଇଥିଲେ। ଦୁଇମାସ କ୍ରିକେଟରୁ ଦୂରେଇ ରହି ସେନାରେ ଟ୍ରେନିଂ ନେବାକୁ ସେ ଏଭଳି ନିଷ୍ପତ୍ତି ନେଇଥିଲେ ବୋଲି କୁହାଯାଉଛି।