ପ୍ୟାରିସ, ୭ା୪ (ଏପି)-କରୋନା ଭାଇରସ୍ ଦ୍ୱାରା ସଂକ୍ରମିତ ହେବାପରେ ଫ୍ରେଞ୍ଚ୍ ଫୁଟ୍ବଲ କ୍ଲବ ରିମ୍ର ଜଣେ ଡାକ୍ତର ଆତ୍ମହତ୍ୟା କରିଛନ୍ତି। ସ୍ଥାନୀୟ ମେୟର ଆର୍ନଡ ରୋବିନେଟ୍ ଲି’ ପ୍ୟାରିସିନ୍ ଏହି ସୂଚନା ଦେଇଛନ୍ତି। ଡାକ୍ତର ବର୍ନାଡୋ ଗୋଞ୍ଜାଲେଜ୍ ୧୪ ଦିନିିଆ ଆଇସୋଲେଶନରେ ଥିଲେ। କୋଭିଡ୍-୧୯ ଟେଷ୍ଟରେ ତାଙ୍କର ପଜିଟିଭ୍ ଆସିବା ପରେ ସେ ରବିବାର ଆତ୍ମହତ୍ୟା କରିଥିଲେ। ତାଙ୍କୁ ୬୦ବର୍ଷ ହୋଇଥିଲା। କ୍ଲବ ସହିତ ସେ ଦୀର୍ଘ ୨୩ବର୍ଷ ହେଲା ଜଡ଼ିତ ଥିଲେ। ସେ ଜଣେ ମେଳାପି ଲୋକ ଥିଲେ। ସେ ମଧ୍ୟ ଜଣେ ଆର୍ଟିଷ୍ଟ ଥିଲେ। କ୍ଲବରେ ସେ ସମସ୍ତଙ୍କ ପ୍ରିୟଭାଜନ ଥିଲେ। ଫ୍ରେଞ୍ଚ୍ ସରକାରଙ୍କ କହିବା ଅନୁସାରେ ଦେଶରେ ବର୍ତ୍ତମାନ କରୋନା ଆକ୍ରାନ୍ତଙ୍କ ସଂଖ୍ୟା ୭୦,୪୭୮ରେ ପହଞ୍ଚତ୍ଛି। ସେମାନଙ୍କ ମଧ୍ୟରୁ ୮,୦୦୦ ଜଣଙ୍କ ଅବସ୍ଥା ସଂକଟଜନକ। ୧୬,୦୦୦ରୁ ଊର୍ଦ୍ଧ୍ୱ ଆରୋଗ୍ୟ ଲାଭ କରିସାରିଛନ୍ତି।