ଫୁଡ୍‌ ସପ୍ଲିମେଣ୍ଟକୁ ନେଇ ଯୁବପିଢ଼ିଙ୍କ ମଧ୍ୟରେ ଅସନ୍ତୋଷ

ଅନୁଗୋଳ ଅଫିସ, ୨୮।୨ – ଫିଟ୍‌ ରହିବା ବା ସୁନ୍ଦର ସ୍ବାସ୍ଥ୍ୟ ପ୍ରତି ଏବେକାର ଯୁବିପିଢ଼ି ବେଶ୍‌ ଗୁରୁତ୍ୱ ଦେଉଛନ୍ତି। ସେଥିପାଇଁ ଜିମ୍‌ ଯିବାକୁ ସେମାନଙ୍କ ମଧ୍ୟରେ ଅଧିକରୁ ଅଧିକ ଆଗ୍ରହ ପ୍ରକାଶ ପାଉଛି। କେବଳ ଯୁବପିଢ଼ି ନୁହନ୍ତି, ଅନେକେ ବୟସ୍କ ବି ଜିମ୍‌କୁ ପସନ୍ଦ କରୁଥିବା ବେଳେ କେହି କେହି ମୋଟାପଣ କମାଇବାକୁ ଜିମ୍‌କୁ ବାଛୁଛନ୍ତି। ତେଣୁ ଚାହିଦାକୁ ନଜରରେ ରଖି ବିଭିନ୍ନ ସହରରେ ମାଳ ମାଳ ଜିମ୍‌ ଖୋଲାଯାଉଛି। ଅନୁଗୋଳ ସହରରେ ମଧ୍ୟ ବହୁ ସଂଖ୍ୟକ ଜିମ୍‌ ରହିଛି। ତେବେ କେତେକ ଜିମ୍‌ର ଫୁଡ୍‌ ସପ୍ଲିମେଣ୍ଟକୁ ନେଇ ଏବେ ଯୁବପିଢ଼ିଙ୍କ ମଧ୍ୟରେ ଅସନ୍ତୋଷ ଦେଖାଦେଇଛି। ସେମାନେ ଜିମ୍‌ ମାଲିକମାନଙ୍କୁ ଏ ନେଇ ଅଭିଯୋଗ କରୁ ନ ଥିଲେ ମଧ୍ୟ ବାହାରେ ଅସନ୍ତୋଷ ଝାଡ଼ୁଥିବା ସହରରେ ଚର୍ଚ୍ଚାର ବିଷୟ ହୋଇଛି।
ଯାହା ଶୁଣିବାକୁ ମିଳୁଛି, ଅନୁଗୋଳ ସହରରେ ଥିବା ବହୁ ଜିମ୍‌ ମଧ୍ୟରୁ ୨/୩ଟି ଜିମ୍‌ରେ ଯେଉଁଭଳି ମନଇଚ୍ଛା ଭାବେ ଲୋକଙ୍କୁ ଫୁଡ୍‌ ସପ୍ଲିମେଣ୍ଟ ଦିଆଯାଉଛି ତାହା ଅନେକାଂଶରେ କ୍ଷତିକାରକ। ଘୋଡ଼ା ପାଇଁ ବ୍ୟବହାର ହେଉଥିବା ଏକ ଔଷଧକୁ ଜିମ୍‌ରେ ମଣିଷଙ୍କୁ ଦିଆଯାଉଛି। ଆଉ ଏଠାକୁ ଆସୁଥିବା ବହୁ ଲୋକ କିଛି ନ ଜାଣି ନ ଶୁଣି ତାହାକୁ ଗ୍ରହଣ କରୁଛନ୍ତି। ବର୍ଷ ବର୍ଷ ଧରି ଏମିତି ବିନା ପଞ୍ଜୀକରଣରେ ଚାଲିଥିବା କେତୋଟି ଜିମ୍‌ରେ ଏହି କ୍ଷତିକାରକ ଔଷଧ କାରବାର ହେଉଛି। ଫଳରେ ଖୁବ୍‌ କମ୍‌ ଦିନ ଭିତରେ ଓଜନ କମେଇବା ଓ ବଢ଼େଇବା ପାଇଁ ଏସବୁକୁ ଖାଉଥିବା ବ୍ୟକ୍ତିମାନେ ସାମୟିକ ଭାବେ ଲକ୍ଷ୍ୟ ପୂରଣ କରୁଥିଲେ ବି ତାହା ଯେ ସେମାନଙ୍କ ସ୍ବାସ୍ଥ୍ୟ ଉପରେ କୁପ୍ରଭାବ ପକାଉଛି ତାହା ଜାଣିପାରୁ ନାହନ୍ତି। ଉ

Share