ଫୁଲବାଣୀ ଅଫିସ,୨୫।୨: କନ୍ଧମାଳ ଜିଲାରେ ମଙ୍ଗଳବାରରୁ ବର୍ଷା, ପବନ ଲାଗି ରହିଛି। ଏହାର ପ୍ରଭାବରେ ଫୁଲବାଣୀ ସହରରେ ବ୍ୟାପକ କ୍ଷୟକ୍ଷତି ଘଟିଛି। ଗଛପଡ଼ି ରାସ୍ତା ଅବରୋଧ ହୋଇଥିବା ବେଳେ ବିଦ୍ୟୁତ ତାର ଛିଡିଛି। ଫଳରେ ସହରରେ ବିଦ୍ୟୁତ ସରବରାହ ବିଚ୍ଛିନ୍ନ ହୋଇଛି। ବିଦ୍ୟୁତ କଟିବାରୁ ଲୋକେ ନାହିଁ ନ ଥିବା ସମସ୍ୟାର ସମ୍ମୁଖୀନ ହେଉଛନ୍ତି। ଅଗ୍ନିଶମ କର୍ମଚାରୀ ରାସ୍ତା ଉପରେ ପଡ଼ିଥିବା ଗଛକୁ ସଫା କରିଥିବା ବେଳେ ବିଦ୍ୟୁତ୍ ସମସ୍ୟା ସ୍ବାଭାବିକ ହେବାକୁ ୨ ଦିନ ସମୟ ଲାଗିବ ବୋଲି କୁହାଯାଉଛି।