କେନ୍ଦୁଝର, ୨୨ା୫(ସ୍ବ.ପ୍ର.)-ଗତ ୧ ତାରିଖରେ କୋର୍ଟ ପରିସରରୁ ଫେରାର ହୋଇଯାଇଥିବା ବଳାତ୍କାର ଅଭିଯୁକ୍ତଙ୍କୁ ପୋଲିସ ମଙ୍ଗଳବାର ଗମ୍ବାରିଆ ଅଞ୍ଚଳରୁ ଗିରଫ କରି ଟାଉନ ଥାନା ପୋଲିସ ପୁଣି କୋର୍ଟ ଚାଲାଣ କରିଥିବା ଜଣାପଡିଛି ା ତାଙ୍କ ନାମ କ୍ରିଷ୍ଣା ଲୋହାର ବୋଲି ଜଣାପଡିଛି ା ଗମ୍ଭାରିଆ ନିକଟରେ ଏକ ଘରୋଇ ସ୍କୁଲ ପରିସରରୁ ଗିରଫ କରାଯାଇଥିବା ଜଣାପଡିଛି ା ତାଙ୍କୁ ଅନ୍ୟମାନଙ୍କ ସହିତ ଜେଲରୁ କୋର୍ଟକୁ ଅଣାଯାଇଥିବା ବେଳେ କୋର୍ଟ ପରିସରରୁ ଫେରାର ହୋଇଯାଇଥିଲା ା ଏହି ଘଟଣାରେ ୨ ଜଣ ପୋଲିସ କର୍ମଚାରୀଙ୍କୁ ନିଲମ୍ବନ କରାଯାଇଥିଲା ା ଗତ ଜୁଲାଇ ମାସରେ ଏକ ବଳାତ୍କାର ମାମଲାରେ ସେ ଗିରଫ ହୋଇ ଜେଲ ହାଜରେ ଥିଲେ ା ତେବେ ତାଙ୍କୁ ଦୀର୍ଘ ଦିନ ହେଲା ସୁରକ୍ଷା ଦେଇଥିବା ବିଦ୍ୟାଳୟର କର୍ମଚାରୀଙ୍କ ବିରୋଧରେ ପୋଲିସ କଣ ପଦକ୍ଷେପ ନେଉଛି ତାହା ଉପରେ ସମସ୍ତଙ୍କ ନଜର ରହିଛି ା ଏହି ଘଟଣାରେ ପୋଲିସ ୨ ଜଣଙ୍କୁ ଅଟକ ରଖି ପଚରାଉଚରା କରୁଥିବା ଜଣାପଡିଛି ା ଏନେଇ ଟାଉନଥାନା ଅଧିକାରୀ ସୋମନାଥ ଜେନା କହିଛନ୍ତି ଯେ, ଫେରାର ଅଭିଯୁକ୍ତଙ୍କୁ ଗିରଫ କରାଯାଇଛି। ତଦନ୍ତ ପରେ ପରବର୍ତ୍ତୀ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ।
