A smartphone user shows the Facebook application on his phone in the central Bosnian town of Zenica, in this photo illustration, May 2, 2013. Facebook Inc's mobile advertising revenue growth gained momentum in the first three months of the year as the social network sold more ads to users on smartphones and tablets, partially offsetting higher spending which weighed on profits. REUTERS/Dado Ruvic (BOSNIA AND HERZEGOVINA - Tags: SOCIETY SCIENCE TECHNOLOGY BUSINESS) - RTXZ81J
ଓ୍ବାଶିଂଟନ,୧୩-୭: ଆମେରିକା ରେଗୁଲେଟର ଫେଡେରାଲ ଟ୍ରେଡ କମିଶନ(ଏଫ୍ଟିସି) ଡାଟା ଲିକ୍ ମାମଲାରେ ଫେସବୁକ୍ ଠାରୁ ୫ ବିଲିୟନ ଡଲାର( ପ୍ରାୟ ୩୪ ହଜାର କୋଟି ଟଙ୍କା) ଜରିମାନା ଆଦାୟ କରିବାକୁ ସୁପାରିସ୍ କରିଛନ୍ତି। କୌଣସି ଟେକ୍ କମ୍ପାନୀ ବିରୋଧରେ ଏହା ଅଦ୍ୟାବଧି ସର୍ବାଧିକ ପେନାଲ୍ଟି ଆଦାୟ କୁହାଯାଉଛି। ଏଥିପୂର୍ବରୁ ୨୦୧୨ରେ ଗୁଗଲ ଠାରୁ ୨୨ ମିଲିୟନ ଡଲାର(୧୫୪ କୋଟି ଟଙ୍କା) ଜରିମାନା ଆଦାୟ କରାଯାଇଥିଲା। ତେବେ ଫେସ୍ବୁକ ଏହି ଜରିମାନା ଦେବା ଲାଗି ପୂର୍ବରୁ ପ୍ରସ୍ତୁତ ହୋଇ ରହିଛି। କମ୍ପାନୀ ଉପରେ ଏହାର ଅଧିକ ପ୍ରଭାବ ପଡିବ ନାହିଁ ବୋଲି କୁହାଯାଉଛି। ବ୍ୟକ୍ତିଗତ ଡାଟା ଗୋପନୀୟତା ଏବଂ ଗ୍ରାହକଙ୍କ ଡାଟାର ଅପବ୍ୟବହାର କରିବା ଲାଗି ଏଫ୍ଟିସି ପକ୍ଷରୁ ଫେସ୍ବୁକ୍ ବିରୋଧରେ ଏହି ଜରିମାନା ଆଦାୟ ନିର୍ଦ୍ଦେଶ ଦିଆଯାଇଛି। ତେବେ ଏହି ମାମଲାରେ ଉଭୟ କମ୍ପାନୀ ଓ ଏଫ୍ଟିସି କୌଣସି ମନ୍ତବ୍ୟ ଦେଇନାହାନ୍ତି। ମିଡିଆ ରିପୋର୍ଟ ଅନୁଯାୟୀ ୩-୨ ଭୋଟରେ ଏହି ଜରିମାନାକୁ ମଞ୍ଜୁରୀ ପ୍ରଦାନ କରାଯାଇଛି। ବର୍ତ୍ତମାନ ଏହି ମାମଲାକୁ ଜଷ୍ଟିସ୍ ଡିପାର୍ଟମେଣ୍ଟର ସିଭିଲ ଡିଭିଜନ ନିକଟକୁ ସମୀକ୍ଷା ପାଇଁ ପଠାଯାଇଛି। ତେବେ ଏହି ପ୍ରକ୍ରିୟା ପାଇଁ କେତେ ଦିନ ଲାଗିବ, ବର୍ତ୍ତମାନ କହିବା ଅସମ୍ଭବ। ତେବେ ଜରିମାନା ଆଦାୟ ନିର୍ଦ୍ଦେଶକୁ ଅନୁମୋଦନ ମିଳିଯିବାର ଯଥେଷ୍ଟ ସମ୍ଭାବନା ରହିଛି। ସୂଚନାଥାଉ କି, କୌଣସି କମ୍ପାନୀ ପାଇଁ ୫ ବିଲିୟନ ଡଲାର ଜରିମାନା ପିଲାଖେଳ ନୁହେଁ। ଏହାଦ୍ୱାରା କମ୍ପାନୀ ବନ୍ଦ ହୋଇଯିବାର ଯଥେଷ୍ଟ ସମ୍ଭାବନା ରହିଛି। କିନ୍ତୁ ଫେସ୍ବୁକ ଆର୍ଥିକ ଦୃଷ୍ଟିରୁ ସେତେ ଦୁର୍ବଳ ନୁହେଁ।