ଭୁବନେଶ୍ୱର,୭।୭:ଫୋନ୍ପେ ପକ୍ଷରୁ ଏକ ଅତ୍ୟାଧୁନିକ ଓ୍ବାନ୍ ଷ୍ଟପ ପଏଣ୍ଟ-ଅଫ-ସେଲ (ପିଓଏସ୍) ଡିଭାଇସ’ର ଶୁଭାରମ୍ଭ ସମ୍ପର୍କରେ ଘୋଷଣା କରାଯାଇଛି। ବିଶେଷ କରି ଏହା ବ୍ୟବସାୟୀଙ୍କୁ ଡେବିଟ କାର୍ଡ, କ୍ରେଡିଟ କାର୍ଡ ଏବଂ ୟୁପିଆଇ ମାଧ୍ୟମରେ ପେମେଣ୍ଟ ଗ୍ରହଣ କରିବାକୁ ସକ୍ଷମ ସହ ଏକ ସରଳ ଓ ବାଧାରହିତ ସେଟଲମେଣ୍ଟ ଅନୁଭୂତି ପ୍ରଦାନ କରିବ। ଉକ୍ତ ଡିଭାଇସରେ ଫୋନପେ ପିଓଏସ ଆପ୍ ପୂର୍ବରୁ ଲୋଡ଼ ହୋଇ ଆସୁଛି ଏବଂ ଏହା ଟାପ/ସ୍ବାଇପ/ଡିପ ଏବଂ ଇଣ୍ଟରଅପରେବଲ ଡାଇନାମିକ କ୍ୟୁଆର କୋଡ୍ ମାଧ୍ୟମରେ ଟ୍ରାଞ୍ଜାକ୍ସନର ସମର୍ଥନ କରୁଛି। ଆଣ୍ଡ୍ରଏଡ ପ୍ଲାଟଫର୍ମ ଉପରେ ନିର୍ମିତ ଏହି ପିଓଏସ ଡିଭାଇସ ବ୍ୟବସାୟୀମାନଙ୍କ ପାଇଁ ଚେକଆଉଟ ଅନୁଭୂତିରେ ପରିବର୍ତ୍ତନ ଆଣିଛି ା ଗ୍ରାହକମାନେ କାଉଣ୍ଟର, ଟେବୁଲ, ଡେଲିଭରୀ ଲୋକେଶନ କିମ୍ବା ସେଲ୍ୟୁଲାର କଭରେଜ ଥିବା ଯେକୌଣସି ସ୍ଥାନରେ ଥାଆନ୍ତୁ ନା କାହିଁ ଏହି ଡିଭାଇସ ସମଗ୍ର ପ୍ରକ୍ରିୟାକୁ ସହଜ କରିଥାଏ। ଉଭୟ ମର୍ଚ୍ଚାଣ୍ଟ ଏବଂ ଉପଭୋକ୍ତାଙ୍କ ଡାଟାକୁ ସୁରକ୍ଷିତ ରଖିବା ପାଇଁ ଏହା ପିସିଆଇ-ପିଟିଏସ ୬ସାର୍ଟିଫିକେଶନ ଦ୍ୱାରା ସମର୍ଥିତ ରହିଛି। ଏ ସମ୍ପର୍କରେ ଫୋନପେର ଅଫଲାଇନ ବିଜ୍ନେସ ମୁଖ୍ୟ ବିବେକ ଲୋହଚେବ କହିଛନ୍ତି, ଫୋନପେ ପିଓଏସ ଡିଭାଇସ ହେଉଛି ଏକ ୱାନ-ଷ୍ଟପ ସଲ୍ୟୁଶନ ଯାହା ଆମର ମର୍ଚ୍ଚାଣ୍ଟ ପାର୍ଟନରମାନଙ୍କୁ ସେମାନଙ୍କର ଗ୍ରାହକଙ୍କର କିଣିବାର ଅଭିଜ୍ଞତାକୁ ବୃଦ୍ଧି କରିବାକୁ ଉତ୍ସାହିତ କରିଥାଏ। ଏଥିରେ ଏକ ଏକୀକୃତ ଏବଂ ସମନ୍ବିତ ଇଣ୍ଟରଫେସ ରହିଛି, ଯାହା ପେମେଣ୍ଟର ବିଭିନ୍ନ ପଦ୍ଧତିକୁ ସୁବିଧା ଦେଇଥାଏ ଏବଂ ସହଜ କରିଥାଏ। ଉଲ୍ଲେଖଯୋଗ୍ୟ, ସମଗ୍ର ଦେଶରେ ଫୋନ୍ପେର ୩୫କୋଟିରୁ ଅଧିକ ମର୍ଚ୍ଚାଣ୍ଟମାନଙ୍କର ଏକ ବ୍ୟାପକ ନେଟୱର୍କ ରହିଛି।
