ବମ୍ବେ: ବଲିଉଡ୍ର ସର୍ବାଧିକ ରୋଜଗାର କରିଥିବା ସେଲିବ୍ରିଟି ପାଲଟିଛନ୍ତି ଖିଲାଡ଼ି କିଙ୍ଗ ଅକ୍ଷୟ କୁମାର। ଫୋବ୍ସ ମାଗାଜିନ୍ ପକ୍ଷରୁ ଜାରି କରାଯାଇଥିବା ୨୦୨୦ର ତାଲିକାରେ ୫୨ତମ ସ୍ଥାନରେ ଅକ୍ଷୟ ଅଛନ୍ତି। ଏଥିରେ ଟପ୍ରେ ଅଛନ୍ତି କାଇଲି ଜେନେର। ଏହାଛଡ଼ା ପ୍ରିୟଙ୍କା ଚୋପ୍ରାଙ୍କ ସ୍ବାମୀ ନିକ୍ ଜୋନାସ ମଧ୍ୟ ଏଥିରେ ଥିବା ଦେଖାଯାଇଛି।
ଫେବ୍ସ ୨୦୨୦ରେ ଏକମାତ୍ର ବଲିଉଡ୍ ଅଭିନେତା ଭାବେ ସ୍ଥାନ ପାଇଛନ୍ତି ଅକ୍ଷୟ। ସେ ଗତ ବାର ମାସ ମଧ୍ୟରେ ୪୮.୫ ମିଲିୟନ ଡଲାର ଅର୍ଥାତ ୩୬୬ କୋଟିରୁ ଅଧିକ ଟଙ୍କା ରୋଜଗାର କରିଛନ୍ତି।
ଶୀର୍ଷରେ ଥିବା କାଇଲିଙ୍କ ବ୍ୟକ୍ତିଗତ ରୋଜଗାରକୁ ଯଦି ଦେଖାଯାଏ ତେବେ ସେ ୫୯୦ ମିଲିୟନ ଡଲାର ରୋଜଗାର କରିଛନ୍ତି। ଏହା ଭାରତୀୟ ମୁଦ୍ରାରେ ୪୪୫୩ କୋଟିରୁ ଅଧିକ ହେବ।
ଫୋବ୍ସର ଏହି ଧନି ସେଲିବ୍ରିଟି ତାଲିକାରେ କାନ୍ୟେ ବେଷ୍ଟ ଦ୍ୱିତୀୟ ସ୍ଥାନରେ ଅଛନ୍ତି। ସେ ରୋଜଗାର କରିଛନ୍ତି ୧୭୦ ମିଲିୟନ ଡଲାର। ତାଲିକାର ତୃତୀୟ ସ୍ଥାନ ଅକ୍ତିଆର କରିଛନ୍ତି ଲୋକପ୍ରିୟ ଟେନିସ୍ ତାରକା ରୋଜର ଫେଡରର। ଚତୁର୍ଥ ସ୍ଥାନରେ ରହିଛନ୍ତି କିଷ୍ଟ୍ରିୟାନୋ ରୋନାଲ୍ଡୋ। ଏହାଛଡ଼ା ତାଲିକାରେ ଆମେରିକାର ଟକ୍ ଶୋ ହୋଷ୍ଟ ତଥା କମେଡିଆନ୍ ଏଲେନ୍ ଡିଜେନେରେସ, ଜୋନାସ ବ୍ରଦର୍ସ ମଧ୍ୟ ରହିଛନ୍ତି।