ପ୍ୟାରିସ୍,୨୩।୮:ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଗୁରୁବାର ଫ୍ରାନ୍ସ ଗସ୍ତରେ ଯାଇଛନ୍ତି। ବିମାନବନ୍ଦରରେ ମୋଦିଙ୍କୁ ଗୁଜରାଟର ବୋହରା ମୁସଲମାନମାନେ ତ୍ରିରଙ୍ଗା ଧରି ଜୋରଦାର ସ୍ବାଗତ କରିଥିଲେ। ଏହାସହ ଭାରତ ମାତା କୀ ଜୟ ନାରା ଦେଇଥିଲେ। ତେବେ ମୋଦିଙ୍କୁ ମୁସଲମାନମାନେ ସ୍ବାଗତ କରିବା ପାକିସ୍ତାନକୁ ପସନ୍ଦ ଆସିନାହିଁ। ଇମ୍ରାନ ସରକାରଙ୍କ ଜଣେ ମନ୍ତ୍ରୀ ଫଓ୍ବାଦ ଚୌଧୁରୀ ଏହା ଦେଖି ଏତେ ଚିଡି ଯାଇଥିଲେ ଯେ, ରାଗରେ ଟୁଇଟରରେ ଲେଖିଥିଲେ ମୋଦି ଏ ଡ୍ରାମା ପାଇଁ କେତେ ଖର୍ଚ୍ଚ କରିଛନ୍ତି। ଏହାପରେ ତାଙ୍କୁ ୟୁଜର୍ସମାନେ ଟ୍ରୋଲ କରିବା ଆରମ୍ଭ କରିଦେଇଛନ୍ତି। ଜଣେ ୟୁଜର୍ସ ଲେଖିଛନ୍ତି,ଟମାଟର ଏବଂ ରୋଟି ବିକୁଥିବା ଲୋକ ଟଙ୍କା କଥା ପଚାରୁଛନ୍ତି। ସୂଚନାଯୋଗ୍ୟ, ମୋଦି ଏହି ଗସ୍ତ କାଳରେ ରାଷ୍ଟ୍ରପତି ଇମାନୁଏଲ ମାକ୍ରୋନଙ୍କ ସହ ଦ୍ୱିପାକ୍ଷିକ ସମ୍ପର୍କ ବୃଦ୍ଧି ନେଇ ଆଲୋଚନା କରିଛନ୍ତି। ଫ୍ରାନ୍ସରୁ ମୋଦି ୟୁଏଇ ଯିବା କାର୍ଯ୍ୟକ୍ରମ ରହିଛି। ରବିବାର ସେ ଫ୍ରାନ୍ସ ଫେରିବା ସହ ଜି-୭ ସମ୍ମିଳନୀରେ ଯୋଗଦେବେ ବୋଲି ଜଣାପଡ଼ିଛି।