ଫ୍ଲୋରାଲ ପ୍ରିଣ୍ଟ: ଶାଢ଼ିର କେତେ ଭେରାଇଟି ଅଛି, ଯେମିତିକି ବନାରସୀ, କାଞ୍ଜିବରମ୍ କିମ୍ବା ସିଲ୍କ। ଏଥିମଧ୍ୟରୁ ଅନ୍ୟତମ ହେଉଛି ଫ୍ଲୋରାଲ ପ୍ରିଣ୍ଟ। ଋତୁ ବଦଳିବା ସହିତ ଫ୍ୟାଶନ୍ ମଧ୍ୟ ବଦଳିଯାଏ। ଶୀତଦିନ ଯିବାକୁ ବସିଲାଣି। ଏହା ଭିତରେ ଫ୍ଲୋରାଲ ପ୍ରିଣ୍ଟ ମାର୍କେଟରେ ଦେଖିବାକୁ ମିଳିଲାଣି। ଫ୍ଲୋରାଲ ପ୍ରିଣ୍ଟ କେବେ ଫ୍ୟାଶନ୍ରୁ ଆଉଟ୍ ହୁଏ ନାହିଁ। ଗତ କିଛିବର୍ଷ ହେବ ଏହାର କ୍ରେଜ୍ ରହିଛି। ଏହି ଶାଢ଼ିର ଭଲଗୁଣ ହେଲା ଏହା ପ୍ରାୟ ସମସ୍ତଙ୍କୁ ମାନିଥାଏ।
ଫ୍ଲୋରାଲ ଶାଢ଼ି ପ୍ଲେନ୍ ବ୍ଲାଉଜ୍ ସହ : ଫ୍ଲୋରାଲ ପ୍ରିଣ୍ଟର ଶାଢ଼ି ଫ୍ଲେନ୍ ବ୍ଲାଉଜ୍ ସହ ପିନ୍ଧିଲେ ଏହା ଆପଣଙ୍କୁ ଟ୍ରେଣ୍ଡି ଲୁକ୍ ଦେଇଥାଏ। ଏଥିପାଇଁ ଆପଣ ବ୍ଲାଉଜ୍କୁ ନେଇ ଅଧିକ ଟେନସନ୍ ନିଅନ୍ତୁ ନାହିଁ।
ଫ୍ଲୋରାଲ ପ୍ରିଣ୍ଟ କୁର୍ତ୍ତି : ଏବେ କଟନ କୁର୍ତ୍ତିରେ ଫ୍ଲୋରାଲ ପ୍ରିଣ୍ଟ ଯୁବତୀମାନଙ୍କ ମନକୁ ଭାରି ଜିଣୁଛି। ପ୍ରତିଦିନ ପିନ୍ଧିବାର ଥିଲେ ସିମ୍ପଲ କଟନ କୁର୍ତ୍ତିରେ ଫ୍ଲୋରାଲ ପ୍ରିଣ୍ଟ ଭଲ ଦେଖାଯାଏ। ଯଦି ଆପଣ କୌଣସି ପାର୍ଟି ଅକେଜନ୍ରେ ଫ୍ଲୋରାଲ ପ୍ରିଣ୍ଟ ପିନ୍ଧୁଥିଲେ ଏମ୍ଭ୍ରୋଏଡରୀ କିମ୍ବା ପ୍ୟାଚ୍ ଓ୍ବାର୍କର କୁର୍ତ୍ତିକୁ ଚୟନ କରିପାରିବେ। ଜିନ୍ସ ହେଉ କି ଜେଙ୍ଗିସ୍ ସହ ଏହି ଫ୍ଲୋରାଲ ପ୍ରିଣ୍ଟର କୁର୍ତ୍ତି ଭଲ ମାନିଥାଏ।
ସବୁ ଅକେଜନ୍ ପାଇଁ ପରଫେକ୍ଟ :
ଫ୍ଲୋରାଲ ପ୍ରିଣ୍ଟ ଶାଢ଼ି ସମସ୍ତଙ୍କୁ ମାନିଥାଏ। କେତେକ ଲାଇଟ୍ ଓ୍ବେଟ୍ ଫ୍ଲୋରାଲ ପ୍ରିଣ୍ଟ ଶାଢ଼ି ମିଳୁଛି, ଯାହାକୁ ଆପଣ ଅଫିସ୍ରେ ବି କ୍ୟାରି କରିପାରିବେ। ଖାଲି ଏତିକି ନୁହେଁ, ଜରି ବର୍ଡର ଓ୍ବାର୍କ ଶାଢ଼ି କିମ୍ବା ଓ୍ବାର୍କ ସହିତ ଶାଢ଼ି ଭଲ ଅପସନ୍ ପାର୍ଟି ପାଇଁ ପିନ୍ଧିିକି ଯିବାକୁ। ଏପରି ଟ୍ରେଣ୍ଡି ବ୍ଲାଉଜ୍ ଡିଜାଇନ୍ ସହ କ୍ୟାରି କରିପାରିବେ, ଯାହା ଆପଣଙ୍କ ପାର୍ଟି ଲୁକ୍କୁ ଗ୍ଲାମର୍ସ କରିପାରିବ।
ଫ୍ଲୋରାଲ ପ୍ରିଣ୍ଟରେ ରଙ୍ଗ : ଏମିତିରେ ବଜାରରେ ବିଭିନ୍ନ କଲରର ଫ୍ଲୋରାଲ ପ୍ରିଣ୍ଟ ମିଳୁଛି। କିନ୍ତୁ ମହିଳାମାନେ ଅଧିକ ହାଲ୍କା କଲର ପସନ୍ଦ କରୁଛନ୍ତି। ବ୍ଲାକ୍ ସହିତ କଲରଫୁଲ ଫ୍ଲାଓ୍ବାର ଟିକେ ବୋଲ୍ଡ ହୋଇଥାଏ। ଏହାର କଲର ଭେରାଇଟି ଅଧିକ ଭେରାଇଟିରେ ମିଳୁଛି।
ଆସେସୋରିଜ୍ : ଫ୍ଲୋରାଲ ପ୍ରିଣ୍ଟ ଆପଣଙ୍କୁ କମ୍ପ୍ଲିଟ୍ ଲୁକ୍ ଦେଇଥାଏ। ଅଫିସ୍ ପାଇଁ ପିନ୍ଧି ଯାଉଥିଲେ ଆପଣ ଏହା ସହ ଘଣ୍ଟା ଏବଂ ଇୟର ରିଙ୍ଗ୍ସ ଓ ପାର୍ଟି ପାଇଁ ଲାଇଟ୍ଓ୍ବେଟ୍ ନେକପିସ୍ ଓ ଇୟର ରିଙ୍ଗ୍ସ ପିନ୍ଧିଲେ ଏହା ଆପଣଙ୍କୁ କମ୍ପ୍ଲିଟ୍ ଲୁକ୍ ଦେଇଥାଏ।