ମହାକାଳପଡ଼ା,୧୯।୫(ଡି.ଏନ୍.ଏ.): ମହାକାଳପଡ଼ା ବନାଞ୍ଚଳ ଅଧୀନ ଗାବରୀ ନଦୀ ପାର୍ଶ୍ୱ ଅରଡ଼ ଗ୍ରାମର ଏକ ବୁଦା ମୂଳେ ଏକ ବଉଳା କୁମ୍ଭୀର ବସା ବାନ୍ଧି କିଛି ଅଣ୍ଡା ଦାନ କରି ଜଗି ରହିଥିବା ଦେଖିବାକୁ ମିଳିଛି। ଗ୍ରାମବାସୀ କୁମ୍ଭୀର ବସା ଦେଖି ବନ ବିଭାଗକୁ ଖବର ଦେଇଥିଲେ। ଖବର ପାଇ ଏସିଏଫ୍ ବିଜୟ କୁମାର ପରିଡ଼ାଙ୍କ ନିର୍ଦ୍ଦେଶକ୍ରମେ ବନ କର୍ମଚାରୀ ଘଟଣାସ୍ଥଳରେ ପହଁଞ୍ଚି କୁମ୍ଭୀର ଓ ଅଣ୍ଡାଗୁଡ଼ିକୁ ଉଦ୍ଧାର କରିଛନ୍ତି। ସୁରକ୍ଷିତ ଭାବେ ଅଣ୍ଡାକୁ ଭିତରକନିକା ଅଭୟାରଣ୍ୟକୁ ନିଆଯିବ। ସେହିଭଳି କୁମ୍ଭୀରକୁ ସ୍ଥାନୀୟ ଭିତର ଖରିନାସୀ ସଂରକ୍ଷିତ ଜଙ୍ଗଲ ନାଳରେ ଛାଡି ଦିଆଯାଇଥିବା ପରିଡ଼ା ସୂଚନା ଦେଇଛନ୍ତି।
ପ୍ରକାଶଯୋଗ୍ୟ, ସାଧାରଣତଃ ବର୍ଷର ମେ’ ଓ ଜୁନ ମାସରେ କୁମ୍ଭୀରଙ୍କ ପ୍ରଜନନ ଓ ମିଳନ ହୋଇଥାଏ। ଏଣୁ ସେମାନେ ହିଂସ୍ର ହୋଇ ମଣିଷକୁ ଆକ୍ରମଣ କରିବାର ନଜିର ରହିଛି।