ବାଲେଶ୍ୱର ଅଫିସ, ୨।୧୧-ବାଲେଶ୍ୱର ଜିଲା ବାମପଦାସ୍ଥିତ ବିର୍ଲା ଟାୟାର୍ସ କମ୍ପାନୀର କର୍ମଚାରୀମାନେ ଶୁକ୍ରବାର ଜିଲାପାଳ ଏବଂ ଜିଲା ଶ୍ରମ ଅଧିକାରୀଙ୍କ ଅଫିସ୍ ଘେରାଉ କରିବା ସହ ବକେୟା ଦରମା ନ ମିଳିଲେ ଆମାତ୍ହୂତି ଦେବାର ଚେତାବନୀ ଦେଇଛନ୍ତି।
ସାରା ବିଶ୍ୱରେ ଅଟୋ ମୋବାଇଲ୍ ଶିଳ୍ପରେ ୪୦ ପ୍ରତିଶତ ମାନ୍ଦାବସ୍ଥା ସୃଷ୍ଟି ହୋଇଥିବା ବେଳେ ବିର୍ଲା ଟାୟାର୍ସ କମ୍ପାନୀରେ ଆବଶ୍ୟକ ଉପତ୍ାଦନ କମିବା ସହ ବିକ୍ରି ନ ହେବା କାରଣରୁ କମ୍ପାନୀର ଆର୍ଥିକ ଅବସ୍ଥା ୮ମାସ ଧରି ଶୋଚନୀୟ ହୋଇପଡ଼ିଛି। ଶ୍ରମିକମାନଙ୍କୁ ଠିକ୍ ଭାବେ କାମ ନ ମିଳିବା ଏବଂ ଠିକ୍ ସମୟରେ ମାସିକ ଦରମା ଦେବାରେ କମ୍ପାନୀ ପକ୍ଷରୁ ସମ୍ଭବ ହେଉନାହଁି। ଫଳରେ କର୍ମଚାରୀମାନେ ନାହଁି ନ ଥିବା ଆର୍ଥିକ ଅନାଟନରେ ଗତି କରୁଛନ୍ତି। ଏନେଇ ପୂର୍ବରୁ ଜିଲାପାଳ କେ. ସୁଦର୍ଶନ ଚକ୍ରବର୍ତ୍ତୀ ଓ ଜିଲା ଶ୍ରମ ଅଧିକାରୀ କୁବେର ବେହେରାଙ୍କ ତତ୍ତ୍ୱାବଧାନରେ କମ୍ପାନୀ କର୍ତ୍ତୃପକ୍ଷଙ୍କ ସହ ଆଲୋଚନା କରିଥିଲେ। ନିଷ୍ପତ୍ତି ଅନୁସାରେ ଠିକ୍ ସମୟରେ ସର୍ବନିମ୍ନ ଦରମା କମ୍ପାନୀ କର୍ମଚାରୀଙ୍କୁ ଦେବାର ପ୍ରତିଶ୍ରୁତି ଦେଇଥିଲା। ଏହାପରେ ମଧ୍ୟ ୩ମାସର ବକେୟା ଦରମା ନ ମିଳିବାରୁ କମ୍ପାନୀର ୭୦ରୁ ୮୦ ଜଣ କର୍ମଚାରୀ ଶୁକ୍ରବାର ଏକଜୁଟ୍ ହୋଇ ଉଭୟ ଅଧିକାରୀଙ୍କୁ ସାକ୍ଷାତ୍ କରି ବକେୟା ଦରମା ସହ ବାକି ଥିବା ବୋନସ୍ ଓ ଅନ୍ୟାନ୍ୟ ଭତ୍ତା ଦେବା ପାଇଁ ଦାବି କରିଥିଲେ। ଠିକ୍ ସମୟରେ ନ ମିଳିଲେ କର୍ମଚାରୀମାନେ ଶ୍ରମ ଅଧିକାରୀଙ୍କ ଅଫିସ୍ ସମ୍ମୁଖରେ ସମୂହ ଆମତ୍ାହୁତି ଦେବାର ଚେତାବନୀ ଦେଇଛନ୍ତି।
ଏ ସମ୍ପର୍କରେ ବିର୍ଲାର ଜଣେ ଅଧିକାରୀଙ୍କ କହିବାନୁସାରେ ବିଶ୍ୱରେ ମାନ୍ଦାବସ୍ଥା ସୃଷ୍ଟି ହେବା କାରଣରୁ କମ୍ପାନୀ ଉପରେ ଏହାର ପ୍ରଭାବ ପଡ଼ିଛି। ଗତ ୮ମାସ ହେବ ଆବଶ୍ୟକ ଉପତ୍ାଦନ ହୋଇପାରୁ ନ ଥିବାବେଳେ କର୍ମଚାରୀମାନଙ୍କୁ ୧୦ଦିନ କାମ କରାଇ ମାସକର ଦରମା ଦିଆଯାଉଛି। କର୍ମଚାରୀଙ୍କ ଦରମା ଦେବାରେ କମ୍ପାନୀ ବିଳମ୍ବ ହେଉଥିବା ସ୍ବୀକାର କରି ସମସ୍ତ ବକେୟା ଦରମା କର୍ମଚାରୀଙ୍କୁ ପୈଠ କରାଯିବାର ପ୍ରକାଶ କରିଛନ୍ତି।