ଗାନ୍ଧୀ ଜୟନ୍ତୀରେ ରିଲିଜ ହୋଇଥିବା ହ୍ରିତିକ ରୋଶନ-ଟାଇଗର ଶ୍ରଫ୍ଙ୍କ ଅଭିନୀତ ଫିଲ୍ମ ‘ଓ୍ବାର୍’ ବକ୍ସ ଅଫିସରେ ଧମାଲ କରିଛି। ପ୍ରଥମ ଦିନରେ ଫିଲ୍ମ ୫୦ କୋଟି ଆୟ କରିଛି। ଆଗକୁ ଦଶହରା ଛୁଟି ଥିବାରୁ ଫିଲ୍ମ ଆହୁରି ଭଲ ଆୟ କରିବ ବୋଲି ଫିଲ୍ମ ସମୀକ୍ଷକମାନେ ମତ ଦେଇଛନ୍ତି। ସିଦ୍ଧାର୍ଥ ଆନନ୍ଦଙ୍କ ନିର୍ଦ୍ଦେଶିତ ଏହି ଫିଲ୍ମକୁ ୟଶରାଜ ବ୍ୟାନର ପ୍ରଯୋଜନା କରୁଛି। ଫିଲ୍ମର ଟିଜରରେ ଉଭୟ ହ୍ରିତିକ ଏବଂ ଟାଇଗରଙ୍କୁ ଜବରଦସ୍ତ ଆକ୍ସନ କରୁଥିବାର ଦେଖିବାକୁ ମିଳିଛି। କୌଣସି ପ୍ରମୋଶନ ବିନା ଫିଲ୍ମର ଟିଜର ରିଲିଜ ହୋଇଥିଲେ ମଧ୍ୟ ଏହାକୁ ଦର୍ଶକଙ୍କ ଭଲ ରେସପନ୍ସ ମିଳିଥିଲା। ଫିଲ୍ମରେ ହ୍ରିତିକଙ୍କ ବିପକ୍ଷରେ ବାଣୀ କପୁର ନଜର ଆସିଛନ୍ତି। ସିଦ୍ଧାର୍ଥଙ୍କ ସହିତ ଏହା ହ୍ରିତିକଙ୍କ ଦ୍ବିତୀୟ ଫିଲ୍ମ ହୋଇଥିବାବେଳେ ଟାଇଗର ଏବଂ ବାଣୀଙ୍କର ପ୍ରଥମ ଫିଲ୍ମ।