ନୂଆଦିଲ୍ଲୀ, ୧୩।୨ (ପି.ଟି.)- ଆସନ୍ତା ମାସରେ ହେବାକୁ ଥିବା ଅଲିମ୍ପିକ ଯୋଗ୍ୟତା ପର୍ଯ୍ୟାୟ ପୂର୍ବରୁ ଅନ୍ତର୍ଜାତୀୟ ଅଲିମ୍ପିକ କମିଟି (ଆଇଓସି)ର ବକ୍ସିଂ ଟ୍ୟାକ୍ସ ଫୋର୍ସ ଭାରତର ଅମିତ୍ ପଙ୍ଘଲଙ୍କୁ ଏକ ନମ୍ବର ମାନ୍ୟତା ପ୍ରଦାନ କରିଛି। ବିଶ୍ୱ ଚାମ୍ପିୟନଶିପ୍ ରୌପ୍ୟ ପଦକ ବିଜେତା ଅମିତ୍ (୫୨ କିଗ୍ରା) ଗତ ଦଶନ୍ଧି ମଧ୍ୟରେ ବିଶ୍ୱରେ ଏହି କାଟାଗୋରୀରେ ଶୀର୍ଷ ସ୍ଥାନ ହାସଲ କରିବାରେ ପ୍ରଥମ ଭାରତୀୟ ବକ୍ସର ହେବାର ସୌଭାଗ୍ୟ ଲାଭ କରିଛନ୍ତି। ଏଥିପୂର୍ବରୁ ୨୦୦୯ରେ ଅଲିମ୍ପିକ ବ୍ରୋଞ୍ଜ ପଦକ ବିଜେତା ବିଜେନ୍ଦର ସିଂ ଏହି ସଫଳତା ପାଇଥିଲେ। ମୋଟ୍ ୪୨୦ ପଏଣ୍ଟ ସହିତ ୨୪ ବର୍ଷୀୟ ପଙ୍ଘଲ ର଼୍ୟାଙ୍କିଙ୍ଗର ଶୀର୍ଷ ସ୍ଥାନରେ ରହିଛନ୍ତି। ‘ଏହା ମୋ ପାଇଁ ବହୁତ ଖୁସିର ଦିନ। ଏବେ ଅଲିମ୍ପିକ ଯୋଗ୍ୟତା ପର୍ଯ୍ୟାୟରେ ଏହା ମୋତେ ସିଡ୍ ପ୍ରଦାନ କରିବ। ବିଶ୍ୱର ଏକ ନମ୍ବର ମାନ୍ୟତା ମୋର ଆତ୍ମ ବିଶ୍ୱାସକୁ ମଧ୍ୟ ବଢ଼ାଇବ’ ବୋଲି ରୋହତକ ଜନ୍ମିତ ପଙ୍ଘଲ କହିଛନ୍ତି। ଏଠାରେ ଉଲ୍ଲେଖଯୋଗ୍ୟ ଆର୍ଥିକ ପରିଚାଳନାରେ ତ୍ରୁଟି କରିବା କାରଣରୁ ଅନ୍ତର୍ଜାତୀୟ ବକ୍ସିଂ ଆସୋସିଏଶନ (ଏଆଇବିଏ)କୁ ବାସନ୍ଦ କରାଯାଇଛି। ତେଣୁ ଆଇଓସି ଟ୍ୟାକ୍ସ ଫୋସକୁ ଅଲିମ୍ପିକ ଯୋଗ୍ୟତା ପର୍ଯ୍ୟାୟ ପ୍ରତିଯୋଗିତା ଆୟୋଜନ କରିବାକୁ ଅନୁମତି ପାଇଛି। ଚଳିତ ବର୍ଷ ଶେଷ ଭାଗକୁ ଟୋକିଓ ଅଲିମ୍ପିକ ଅନୁଷ୍ଠିତ ହେବାକୁ ଥିବାରୁ ଆଗାମୀ ଦିନରେ ଏହା ଯୋଗ୍ୟତା ପର୍ଯ୍ୟାୟ ପ୍ରତିଯୋଗିତା ଆଇଓସି ଟ୍ୟାକ୍ସ ଫୋର୍ସ ଆୟୋଜନ କରିବ। ଗତ ପୁରୁଷ ଓ ମହିଳା ବିଶ୍ୱ ଚାମ୍ପିୟନଶିପ୍ ପ୍ରଦର୍ଶନକୁ ଆଧାର କରି ର଼୍ୟାଙ୍କିଙ୍ଗ୍ ପ୍ରସ୍ତୁତ କରାଯାଇଛି।