ପାଟନା,୨୪।୧: ବିହାରର ବୈଶାଳୀସ୍ଥିତ ହାଜିପୁରରେ ଜଣେ ବଜରଙ୍ଗ ଦଳର ନେତାଙ୍କୁ ହତ୍ୟା କରାଯାଇଛି। ହାଜିପୁର ଏସଡିପିଓ ରାଘବ ଦୟାଲଙ୍କ ମୁତାବକ, ବଜରଙ୍ଗ ଦଳର କାର୍ଯ୍ୟକର୍ତ୍ତା ୩୬ ବର୍ଷୀୟ ନୀରଜ କୁମାରଙ୍କ ମୃତଦେହ ଏକ କୂଅରୁ ଉଦ୍ଧାର କରାଯାଇଛି। ନୀରଜ ଶରୀରରେ ଗୁଳି ଦାଗ ରହିଛି। ସେ କିଛିଦିନ ହେବ ନିଖୋଜ ଥିବାରୁ ତାଙ୍କୁ କେହି ହତ୍ୟା କରି କୂଅରେ ଫୋପାଡି ଦେଇଥିବା ପୋଲିସ ସନ୍ଦେହ କରୁଛି। ବ୍ୟବଚ୍ଛେଦ ରିପୋର୍ଟ ଆସିବା ପରେ ନୀରଜଙ୍କ ଶରୀରରେ ୩ଟି ଗୁଳି ବାଜିଥିବା ସୂଚନା ମିଳିଛି। ସୂଚନାଯୋଗ୍ୟ, ନୀରଜଙ୍କ ଏକ ଷ୍ଟୁଡିଓ ରହିଛି। ଏହାସହ ସେ ଦଳୀୟ କାର୍ଯ୍ୟକ୍ରମରେ ମଧ୍ୟ ସକ୍ରିୟ ଥାନ୍ତି। ଜମି ବିବାଦକୁ ନେଇ ପପୁ ସିଂ ନାମକ ଜଣେ ଯୁବକ ହିଁ ମାମଲାର ଅଭିଯୁକ୍ତ ବୋଲି ଧରାଯାଉଛି।
