ଭୁବନେଶ୍ୱର, ୧୯-୭: ବଜାଜ ଅଟୋ ପକ୍ଷରୁ ନୂଆ ପ୍ଲାଣ୍ଟିନା ୧୧୦ ଏଚ୍-ଗିୟର ଏବଂ ସିଟି ୧୧୦ ମଡେଲ ବଜାରକୁ ଆସିଛି। ହାଇଓ୍ବେ ରାଇଡିଂକୁ ନଜରରେ ରଖି ନୂଆ ପ୍ଲାଣ୍ଟିନାକୁ ପ୍ରସ୍ତୁତ କରାଯାଇଛି। ଏଥିରେ ଡିଜିଟାଲ କନସୋଲ ଏବଂ ଗିୟରସିଫ୍ଟ ଗାଇଡ ସ୍ଥାନିତ ହୋଇଛି। ସେହିଭଳି ଗ୍ରାହକମାନେ ଆଣ୍ଟି ସ୍କିଡ ବ୍ରେକିଂ ସିଷ୍ଟମ, କମ୍ଫରଟେକ ଟେକ୍ନୋଲୋଜି, ନାଇଟ୍ରକ୍ସ ଏସ୍ଓଏସ୍ ସସପେନଶନ, ବ୍ରଡର ରବର ଫୁଟପ୍ୟାଡ,ଲମ୍ବା ସିଟ,ଟ୍ୟୁବଲେସ ଟାୟାର, ୩ଡି ଲୋଗୋ, ନୂଆ ଡେକାଲ ଭଳି ଅନ୍ୟ ଫିଚର ପାଇବେ। ଏହାର ଡ୍ରମ ଭାରିଆଣ୍ଟ ବଜାର ଦର ୫୩,୩୭୬ ଟଙ୍କା ଏବଂ ଡିସ୍କ ଭାରିଆଣ୍ଟ ବଜାର ଦର ୫୫,୩୭୩ ଟଙ୍କା ରହିଛି। ଏହା ଇବୋନି ବ୍ଲାକ ସହ ବ୍ଲୁଡେକାଲ , ଇବୋନି ବ୍ଲାକ ସହ ରୟାଲ ବରଗଣ୍ଡି ଡେକାଲ ଏବଂ କକଟେଲ ଓ୍ବାଇନ ରେଡ ରଙ୍ଗରେ ଆସୁଛି। ଏହି ମଡେଲଟିରେ ଗ୍ରାହକ ଆରାମ, ମାଇଲେଜ, ପିକଅପ୍ ଏବଂ ଷ୍ଟାଇଲ ପାଇପାରିବେ ବୋଲି କମ୍ପାନୀର ମୋଟର ସାଇକେଲ ବାଣିଜ୍ୟ ସଭାପତି ସାରଙ୍ଗ କନାଦେ କହିଛନ୍ତି।
ସେହିଭଳି ନୂଆ ସିଟି ୧୧୦ ଏଣ୍ଟ୍ରି ଲେଭଲ ମୋଟର ସାଇକେଲ କ୍ଷେତ୍ରରେ ବେଷ୍ଟ ଭାଲ୍ୟୁ ପ୍ରଦାନ କରିବ ବୋଲି କମ୍ପାନୀ ପକ୍ଷରୁ କୁହାଯାଇଛି। ଏହାର ଏକ୍ସ ଶୋ’ରୁମ ଦିଲ୍ଲୀ ମୂଲ୍ୟ ୩୭,୯୯୭ ଟଙ୍କା ରହିଛି। ଏଥିରେ ୧୧୫ ସିସି ଡିଟିଏସ୍ଆଇ ଇଞ୍ଜିନ, ଉନ୍ନତ ମାଇଲେଜ, ଉନ୍ନତ ଗ୍ରାଉଣ୍ଡ କ୍ଲିୟରାନ୍ସ, ଦୃଢ କ୍ରାସ ଗାର୍ଡ ସହ ଉନ୍ନତ ବୈଶିଷ୍ଟ୍ୟ ରହିଛି। ଏହାର କିକ୍ ଷ୍ଟାର୍ଟ ଭାରିଆଣ୍ଟ ମୂଲ୍ୟ ୩୭,୯୯୭ ଟଙ୍କା ହୋଇଥିବା ବେଳେ ଇଲେକଟ୍ରିକ ଷ୍ଟାର୍ଟ ବଜାର ଦର ୪୪,୪୮୦ ଟଙ୍କା ରହିଛି। ମେଟ ଅଲିଭ ଗ୍ରିନ ସହ ହଳଦି ରଙ୍ଗର ଡେକାଲ୍ସ, ଗ୍ଲସି ଇବୋନି ବ୍ଲାସ ସହ ନୀଳ ଡେକାଲ୍ସ, ଗ୍ଲସ ଫ୍ଲେମ ରେଡ ସହ ବ୍ରାଇଟ ରେଡ ଡେକାଲ୍ସ ରଙ୍ଗରେ ଏହା ଆସୁଛି। ଗ୍ରାହକ ଏହି ମଡେଲରେ ଗୁଣବତ୍ତା ସହ ଶକ୍ତି,ମାଇଲେଜ ଏବଂ ଆକର୍ଷଣୀୟ ମୂଲ୍ୟ ଲାଭ କରିପାରିବେ ବୋଲି କନାଦେ କହିଛନ୍ତି।