କାମାକ୍ଷାନଗର, ୨୧।୭(ଡି.ଏନ୍.ଏ.) – ଢେଙ୍କାନାଳ ଜିଲା କାମାକ୍ଷାନଗର ଶ୍ରୀକୃଷ୍ଣ ଅଟୋ ପକ୍ଷରୁ ଶୁକ୍ରବାର ବଜାଜ ଅଟୋ କମ୍ପାନୀର ନୂତନ ମଡେଲ ବାଇକ୍ ‘ବଜାଜ ପ୍ଲାଟିନା ଏଚ୍ ଗିଅର’ ବଜାର ପ୍ରବେଶ ହୋଇଛି। ଏହି ଅବସରରେ ଆୟୋଜିତ କାର୍ଯ୍ୟକ୍ରମରେ ସେଲ୍ସ ମ୍ୟାନେଜର ରତନ ନାଏକ ଉପସ୍ଥିତ ରହି ଗାଡ଼ିର ଦକ୍ଷତା, ଫିଚର ସମ୍ପର୍କରେ ସୂଚନା ଦେଇଥିଲେ। ୫ ଗିଅର ବିଶିଷ୍ଟ ଉକ୍ତ ବାଇକ୍ କମ୍ ପେଟ୍ରୋଲ ଖର୍ଚ୍ଚରେ ଲମ୍ବା ଯାତ୍ରା କରିପାରିବ। ଏଥିରେ ଉପଲବ୍ଧ ଅତ୍ୟାଧୁନିକ ଜ୍ଞାନକୌଶଳର ସକ୍ଅବଜରବର, ଡିଜିଟାଲ ହେଡ୍ଲାଇଟ୍, ମିଟର, ଟିଡିଏସ୍ଆଇ ଇଞ୍ଜିନ ଗ୍ରାହକଙ୍କୁ ବାଇକ୍ ଚଳାଇବାର ନିଆରା ଅନୁଭୂତି ଦେବ ବୋଲି ସେଲ୍ସ ମ୍ୟାନେଜର ସୂଚନା ଦେଇଛନ୍ତି। ଅନ୍ୟମାନଙ୍କ ମଧ୍ୟରେ କାମାକ୍ଷାନଗରର ପ୍ରଥମ ଗ୍ରାହକ ବିଭୂତି ଭୂଷଣ ମହାନ୍ତି, ଶ୍ରୀକୃଷ୍ଣ ଅଟୋର ନିର୍ଦ୍ଦେଶକ ମଙ୍ଗତଲାଲ କଟାରୁକା, ଛେଦିଲାଲ କଟାରୁକା, ଛଗନଲାଲ କଟାରୁକା, ବଣିକସଂଘ ସମ୍ପାଦକ ବିଶ୍ବଜିତ ପଟ୍ଟନାୟକ ପ୍ରମୁଖ ଉପସ୍ଥିତ ଥିଲେ।
