ଭୁବନେଶ୍ୱର,୧୮-୬: ହିରୋମୋଟୋକର୍ପ ପକ୍ଷରୁ ଓଡ଼ିଶା ବଜାରରେ ସୋମବାର ୩ ନୂଆ ମଡେଲର ବଜାର ପ୍ରବେଶ ହୋଇଛି। ଏହି ମଡେଲଗୁଡିକ ମଧ୍ୟରେ ହିରୋ ମାଏଷ୍ଟ୍ରୋ ଏଜ୍ ୧୨୫, ଏକ୍ସପଲ୍ସ ୨୦୦ଟି ଏବଂ ଏକ୍ସଟ୍ରିମ ୨୦୦ ଏସ୍ ରହିଛି। ନୂଆ ମଡେଲଗୁଡିକୁ କଟକର ଜେଏମ୍ଜି ଅଟୋମୋବାଇଲ୍ସ, ସନି ମୋଟର୍ସ, ଏସେନ ଅଟୋମୋବାଇଲ ଶୋ’ରୁମଠାରେ ଉନ୍ମୋଚନ କରାଯାଇଥିଲା। ହିରୋ ମାଏଷ୍ଟ୍ରୋ ଏଜ୍ରେ ଗ୍ରାହକମାନେ ଦେଶର ପ୍ରଥମ ସ୍କୁଟର ଭାବେ ଫୁଏଲ ଇଞ୍ଜେକସନ(ଏଫ୍ଆଇ) ଟେକ୍ନୋଲୋଜି ପାଇ ପାରିବେ। ଏହାର ଆଇ୩ଏସ୍ କାର୍ବ ଭାରିଆଣ୍ଟର ବଜାର ଦର ୬୧,୧୦୦ଟଙ୍କା ଏବଂ ଡିସ୍କ ଭାରିଆଣ୍ଟର ବଜାର ଦର ୬୩,୧୦୦ ଟଙ୍କା ରହିଛି। ସେହିଭଳି ଏକ୍ସପଲ୍ସ ୨୦୦ଟି ମଡେଲର ବଜାର ଦର ୯୮,୦୦୦ ଟଙ୍କା ରହିଛି। ଏକ୍ସଟ୍ରିମ ୨୦୦ଏସ୍ ସିଟି ପରଫରମାନ୍ସକୁ ଧ୍ୟାନରେ ରଖି ପ୍ରସ୍ତୁତ କରାଯାଇଥିବା ବେଳେ ଏହାର ବଜାର ଦର ୯୫,୫୦୦ ଟଙ୍କା ରହିଛି। ଜେଏମ୍ଜି ଅଟୋମୋବାଇଲରେ ମଡେଲଗୁଡିକୁ ଶୋ’ରୁମର ମ୍ୟାନେଜିଂ ପାର୍ଟନର ପ୍ରଦୀପ ଅଗ୍ରଓ୍ବାଲ, ହିରୋ ମୋଟୋକର୍ପର ସେଲ୍ସ ମ୍ୟାନେଜର ଅଭିନବ କୁମାର ବଜାର ପ୍ରବେଶ କରାଇଥିଲେ। ସେହିଭଳି ସନ୍ନି ମୋଟର୍ସଠାରେ ମ୍ୟାନେଜିଂ ପାର୍ଟନର ଅର୍ଶଦୀପ ସିଂ, ସିନେ ଅଭିନେତା ଅଂଶୁମାନ ମଡେଲର ଶୁଭାରମ୍ଭ କରିଥିଲେ। ଏସେନ ଅଟୋମୋବାଇଲଠାରେ ମ୍ୟାନେଜିଂ ପାର୍ଟନର ସୌରଭ ଥାକର ଯାନଗୁଡିକୁ ଉନ୍ମୋଚନ କରିଥିଲେ।