ନୂଆଦିଲ୍ଲୀ,୬-୧: ବିଭିନ୍ନ କ୍ଷେତ୍ର ସାମ୍ନା କରୁଥିବା ସମସ୍ୟାକୁ ବିଚାର କରି ସରକାର ପଦକ୍ଷେପ ନେଉଛନ୍ତି। ଏଥି ଲାଗି ବଜେଟ ଯାଏ ଅପେକ୍ଷା କରାଯାଉନାହିଁ ବୋଲି ଅର୍ଥମନ୍ତ୍ରୀ ନିର୍ମଳା ସୀତାରାମନ କହିଛନ୍ତି। ଗତ ୨ ମାସ ହେବ ଲଗାତାର ଭାବେ ଜିଏସ୍ଟି ସଂଗ୍ରହରେ ଉନ୍ନତି ଆସିଥିବାରୁ ଆଗାମୀ ମାସଗୁଡିକରେ ସ୍ଥିତି ଭଲ ରହିବ ବୋଲି ସୀତାରାମନ ଆଶାବାଦୀ ରହିଛନ୍ତି। ଏହାସହ କେନ୍ଦ୍ର ସରକାର ଭାଜପା ଶାସିତ ଏବଂ ଅଣଭାଜପା ଶାସିତ ରାଜ୍ୟ ମଧ୍ୟରେ କୌଣସି ପାର୍ଥକ୍ୟ କରୁନାହାନ୍ତି। ଚତୁର୍ଦଶ ଅର୍ଥ କମିଶନ ଦେଇଥିବା ପ୍ରସ୍ତାବ ଆଧାରରେ ରାଜ୍ୟଗୁଡିକୁ ଅର୍ଥ ଯୋଗାଇ ଦିଆଯାଉଛି। ପାର୍ବଣରେ ବ୍ୟାଙ୍କଗୁଡିକ ଲୋକଙ୍କୁ ଋଣ ଯୋଗାଇ ଦେଇଥିବା ସୀତାରାମନ କହିଛନ୍ତି।