ବଜେଟ ଭାଷଣରେ ସର୍ବାଧିକ ଥର ‘ଟ୍ୟାକ୍ସ’ ଶବ୍ଦର ଉଚ୍ଚାରଣ କରିଛନ୍ତି ଅର୍ଥମନ୍ତ୍ରୀ: ‘ରୋଜଗାର’ ଶବ୍ଦ କହିଛନ୍ତି ମାତ୍ର ୭ଥର

ନୂଆଦିଲ୍ଲୀ,୧।୨: ଲମ୍ବା ଅବଧିର କେନ୍ଦ୍ରୀୟ ବଜେଟ ଉପସ୍ଥାପନ କରି ଅର୍ଥମନ୍ତ୍ରୀ ନିର୍ମଳା ସୀତାରମନ ଏଥର ରେକର୍ଡ କରିଛନ୍ତି। ଏଥର ସେ ୨ ଘଣ୍ଟା ୪୧ ମିନିଟର ଭାଷଣ ଦେଇଛନ୍ତି। ଏହି ସମୟ ମଧ୍ୟରେ ସେ ‘ଟ୍ୟାକ୍ସ’ ଶବ୍ଦର ଉଚ୍ଚାରଣ ସର୍ବାଧିକ ୧୩୨ଥର କରିଥିବା କୁହାଯାଏ। ସେହିପରି ରାଷ୍ଟ୍ର ଶବ୍ଦର ଉଚ୍ଚାରଣ ୫୪ଥର ଓ ବିକାଶ ଶବ୍ଦର ଉଚ୍ଚାରଣ ୩୪ ଥର କରିଛନ୍ତି। ଅନ୍ୟ ଶବ୍ଦ ଗୁଡିକ ମଧ୍ୟରେ ସରକାର-୮୩, ଭାରତ-୭୨, ଅର୍ଥବ୍ୟବସ୍ଥା-୨୨, ଆୟକର-୨୦, ସ୍ବାସ୍ଥ୍ୟ-୨୦, ଶିକ୍ଷା-୧୯, ପ୍ରଧାନମନ୍ତ୍ରୀ-୧୫, କୃଷକ-୧୨, ରୋଜଗାର-୭, କର୍ମଚାର-୭, ଜନକଲ୍ୟାଣ- ୭ ଆଦି ଉଚ୍ଚାରଣ କରିଥିବା କୁହାଯାଏ। ଏହାକୁ ଦେଖିବା ପରେ ଏହି ବଜେଟ ସାଧାରଣ ଜନତାଙ୍କ ହିତ ପାଇଁ ଆଦୌ ନୁହେଁ ବୋଲି ବିରୋଧୀ ମତ ଦେଇଛନ୍ତି। କିନ୍ତୁ ଶାସକ କହୁଛି ଏହା ଭାରତୀୟ ଅର୍ଥନୀତିକୁ ଆଗକୁ ବଢାିବାରେ ବେଶ୍‌ ସହାୟକ ହେବ।