ଖଇରା,୩।୬(ଡି.ଏନ.ଏ.)-ବାଲେଶ୍ୱର ଜିଲା ଖଇରା ବ୍ଲକ ଅଧୀନ ବଡଜୟୀପୁର ଗ୍ରାମରେ ଅଜଣା କୀଟକୁ ନେଇ ଗ୍ରାମବାସୀ ଆତଙ୍କିତ ହୋଇ ପଡିଛନ୍ତି। ଏହି କୀଟ ଗୁଡିକ ଗ୍ରାମ ନିକଟସ୍ଥ ଗୋପିଆସ୍ଥ ପଡିଆରେ ଥିବା ଗଛ ଗୁଡିର ପତ୍ର ଖାଇ ସଫା କରିଦେଉଥିବା ନେଇ ଗ୍ରାମବାସୀ କହିଛନ୍ତି। କେହି କେହି ଏହାକୁ ପଙ୍ଗପାଳ କହୁଥିବା ବେଳେ ଆଉ କିଛି ଝିଣ୍ଟିକା ପ୍ରଜାତିର କୀଟ ବୋଲି ସନ୍ଦେହ କରୁଛନ୍ତି। ବୁଧବାର ସକାଳେ ସରପଞ୍ଚ ସଞ୍ଜୟ କୁମାର ପଣ୍ଡା ଖବର ପାଇ ଖଇରା ତହସିଲଦାର ପ୍ରଦୀପ କୁମାର ସାହୁ ଓ କୃଷି ବିଭାଗକୁ ଅବଗତ କରାଇଛନ୍ତି।