ଭୁବନେଶ୍ୱର,୨୨।୧୨(ବ୍ୟୁରୋ): ଆସନ୍ତା ବଡ଼ଦିନ ଓ ନୂଆବର୍ଷର ଭିଡ଼କୁ ଲକ୍ଷ୍ୟ ରଖି ଡିସେମ୍ବର ୨୧ରୁ ଜାନୁୟାରୀ ୧ ଯାଏ ପଠାଣି ସାମନ୍ତ ପ୍ଲାନେଟାରିୟମ୍ରେ ସ୍ବତନ୍ତ୍ର ଶୋ’ର ବ୍ୟବସ୍ଥା କରାଯାଇଛି। ପ୍ରତ୍ୟେକ ଦିନ ପୂର୍ବାହ୍ନ ୧୦ରୁ ରାତି ୭ଟା ଯାଏ ପ୍ରତି ଅଧ ଘଣ୍ଟାର ବ୍ୟବଧାନରେ ଗୋଟିଏ ଲେଖାଏ ଶୋ’ ଚାଲିବ। ଶୋ’ଗୁଡ଼ିକ କ୍ରମାନ୍ବୟରେ ଓଡ଼ିଆ ଓ ହିନ୍ଦୀ ଭାଷାରେ ପ୍ରଦର୍ଶନ କରାଯିବ। ଦଳଗତ ଭାବେ ସ୍କୁଲ ଓ କଲେଜରୁ ଆସୁଥିବା ଛାତ୍ରୀଛାତ୍ର ପୂର୍ବରୁ ପ୍ଲାନେଟାରିୟମ୍ ସହ ଯୋଗାଯୋଗ କରିବା ପାଇଁ ନିର୍ଦ୍ଦେଶକ
ରସିଦ୍ ଖାନ୍ ଅନୁରୋଧ କରିଛନ୍ତି। ପ୍ଲାନେଟାରିୟମ୍ କେବଳ ସୋମବାର ବନ୍ଦ ରହିବ ବୋଲି ସେ କହିଛନ୍ତି।