ବଡ଼ସାହି,୨୫।୩(ସ୍ବ.ପ୍ର.): ମୟୂରଭଞ୍ଜ ଜିଲା ବଡ଼ସାହି ଥାନା ଅଧୀନ ଦେଉଳିଆ ମଜୁରାସାହିରେ ବଡ଼ଭାଇଙ୍କ ଠେଙ୍ଗା ମାଡ଼ରେ ମଙ୍ଗଳବାର ରାତିରେ ସାନଭାଇଙ୍କ ମୃତ୍ୟୁ ଘଟିଛି। ମୃତ ସାନଭାଇ ହେଲେ ଟେରା ସିଂ(୫୫) ।
ପ୍ରକାଶ ଯେ, କୌଣସି କାରଣକୁ ନେଇ ବଡ଼ଭାଇ ହାଗ ସିଂ(୬୦) ଏବଂ ସାନଭାଇ ଟେରା ସିଂଙ୍କ ମଧ୍ୟରେ ପାଟିତୁଣ୍ଡ ହୋଇଥିଲା। ଏଥିରେ ଉତ୍କ୍ଷିପ୍ତ ହୋଇ ହାଗ ଏକ ଠେଙ୍ଗାରେ ଟେରାଙ୍କୁ ଆକ୍ରମଣ କରିଥିଲେ। ଗୁରୁତର ଅବସ୍ଥାରେ ଟେରାଙ୍କୁ ପ୍ରଥମେ ବଡ଼ସାହି ଓ ପରେ ବାରିପଦା ପିଆର୍ଏମ୍ ମେଡିକାଲକୁ ସ୍ଥାନାନ୍ତର କରାଯାଇଥିଲା। ଏ ନେଇ ପୋଲିସ ଏକ ମାମଲା (ନଂ.୩୫/୨୦) ରୁଜୁକରିବା ସହ ଅଭିଯୁକ୍ତ ହାଗଙ୍କୁ ଗିରଫ କରି ତଦନ୍ତ ଚଳାଇଛି।