ବଡ଼ସାହି,୧୯ା୪(ସ୍ବ.ପ୍ର)-ମୟୂରଭଞ୍ଜ ଜିଲାରେ ରକ୍ତର ଅଭାବକୁ ନେଇ ବଡସାହି ଡାକ୍ତରଖାନା ପରିସରରେ ଏକ ରକ୍ତଦାନ ଶିବିର ବିକାଶ ମଞ୍ଚ ପକ୍ଷରୁ ଶନିବାର ଅନୁଷ୍ଠିତ ହୋଇଯାଇଛି। ମଞ୍ଚର ସଦସ୍ୟ ଶଶାଙ୍କ ଶେଖର କରଙ୍କ ନେତୃତ୍ୱରେ ୨୦ୟୁନିଟ୍ ରକ୍ତ ସଂଗୃହିତ ହୋଇଛି । କୋଭିଡ଼-୧୯ ଆଇନ ସର୍ତ୍ତାବଳୀ ଅନୁସାରେ ରକ୍ତଦାତାମାନେ ସାମାଜିକ ଦୂରତ୍ୱ ବଜାୟ ରଖି ନିଜର ନାମ ପଞ୍ଜୀକୃତ କରିଥିଲେ। ସର୍ବପ୍ରଥମେ ବଡ଼ସାହି ଥାନାଧିକାରୀ ଜୟନ୍ତ କୁମାର ବେହେରା ଓ ଶେଷରେ ଅତିରିକ୍ତ ତହସିଲଦାର ପୃଥିରାଜ ପରିଡ଼ା ରକ୍ତଦାନ କରିଥିଲେ। ଉକ୍ତ ଶିବିରରେ କାର୍ଯ୍ୟରତ ଆଶାକର୍ମୀ ଜ୍ୟୋସ୍ନାରାଣୀ ବାରିକ ଓ ତାଙ୍କ ସ୍ବାମୀ ରାଜେଶ ବାରିକ ରକ୍ତଦାନ କରି ଅନ୍ୟମାନଙ୍କ ପାଇଁ ଉଦାହରଣ ପାଲଟିଛନ୍ତି। ଶିବିରରେ ୱିନର-୧୧ଯୁବକ ସଂଘର ସଦସ୍ୟମାନେ ଉତ୍ସାହିତ ହୋଇ ରକ୍ତଦାନ କରିଥିଲେ। ମଞ୍ଚର ସଦସ୍ୟ ଅରୁଣ କୁମାର ଓତା, ପୂର୍ବତନ ବିଧାୟକ ଗଣେଶ୍ୱର ପାତ୍ର, ମନୋଜ ପଣ୍ଡା, ପାର୍ଥସାରଥୀ ରଥ, ସରୋଜ କୁମାର ଦାଶ, ବ୍ଲକ ଅଧ୍ୟକ୍ଷା ଲକ୍ଷ୍ମୀ ସିଂ, ଶିକ୍ଷକ ଦେବରାଜ ନାୟକ, ମୂରଲୀଧର ନାଏକ, ରାଜେନ୍ଦ୍ର ଜେନା, ସନ୍ୟାସୀ ଦାସ, ହିମାଂଶୁ ପଣ୍ଡା, ଜୟନ୍ତ ରାଉତଙ୍କ ସମେତ ବହୁ ସଦସ୍ୟ ଏଥିରେ ଉପସ୍ଥିତ ଥିଲେ । ବଡ଼ସାହି ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରର ଭାରପ୍ରାପ୍ତ ଚିକିସତ୍ାଧିକାରୀ ଡା. ସଞ୍ଜୀବ କୁମାର ବଇତାଇ, ଜିଲା ରକ୍ତ ଭଣ୍ଡାରର ସଂଯୋଜକ ଅମର ସେଠୀ, ଡାକ୍ତର ପ୍ରଶାନ୍ତ କୁମାର ଦାସ ଓ ସବିତା ରାଣୀ ଶେଝପଡା ପ୍ରମୁଖ ରକ୍ତ ସଂଗ୍ରହ କରିଥିଲେ। ସେହିପରି ବଡ଼ସାହି ବିଧାୟକ ସନାତନ ବିଜୁଳିଙ୍କ ତତ୍ତ୍ୱାବଧାନରେ ଅନୁରୂପ ଭାବେ ଏକ ରକ୍ତଦାନ ଶିବିର ଅନୁଷ୍ଠିତ ହୋଇଯାଇଛି ା ବିଜେପିର ବହୁ ସଦସ୍ୟ ସ୍ବେଚ୍ଛାକୃତ ଭାବେ ରକ୍ତଦାନ କରିବା ପାଇଁ ନାମ ପଞ୍ଜିକରଣ କରିଥିଲେ ା ସେଥି ମଧ୍ୟରୁ ୨୦ୟୁନିଟ ରକ୍ତ ସଂଗ୍ରହ କରାଯାଇଥିଲା ା ବଡ଼ସାହି ମଣ୍ଡଳ ସଭାପତି ମାନସ ଗିରି, ଭବାନୀ ଶଙ୍କର ସାହୁ, ଦୀପକ ବାରିକ, କମଳାକାନ୍ତ ବେହେରା ପ୍ରମୁଖ ଉପସ୍ଥିତ ଥିଲେ ା ଉଭୟ ଶିବିରରେ ରକ୍ତଦାତାମାନଙ୍କୁ ପ୍ରମାଣପତ୍ର ପ୍ରଦାନ କରାଯାଇଥିଲା।
