ବଡ଼ସାହି,୧୦।୧(ସ୍ବ.ପ୍ର.): ମୟୂରଭଞ୍ଜ ଜିଲା ବଡ଼ସାହି-ଉଦଳା ରାସ୍ତାର ସୁହାଗପୁର ଜଙ୍ଗଲରେ ଶୁକ୍ରବାର ଭୋର୍ରୁ ଏକ ଦନ୍ତାହାତୀ ବାଟବଣା ହୋଇ ଘୂରିବୁଲୁଛି। ରାସ୍ତାରେ ଚଳପ୍ରଚଳ କରୁଥିବା ଦେଖି ଲୋକମାନେ ଭୟଭୀତ ହୋଇଛନ୍ତି। ଖବରପାଇ ଡୁକୁରା ରେଞ୍ଜର କର୍ମଚାରୀ, ବଡ଼ସାହି ଫରେଷ୍ଟର ଓ ସ୍ଥାନୀୟ ଲୋକେ ଦନ୍ତାହାତୀର ଗତିବିଧି ପରଖୁଛନ୍ତି। ଖବର ପ୍ରଚାରିତ ହେବା ପରେ ଉକ୍ତ ରାସ୍ତା ଦେଇ ଯାତାୟାତ କରିବାକୁ ଲୋକେ ଭୟ କରୁଛନ୍ତି। ଅପରାହ୍ନରେ ବିଭାଗ ପକ୍ଷରୁ ହାତୀକୁ ଶିମିଳିପାଳ ଜଙ୍ଗଲ ଅଭିମୁଖେ ଘଉଡ଼ାଇବାକୁ ଚେଷ୍ଟା କରାଯିବ ବୋଲି ଫରେଷ୍ଟର କହିଛନ୍ତି।